Thoughts စကားလုံးဆိုင်ရာ အီဒီယံအသုံးအနှုန်းများ

ဒီတပတ် English Learning: America Idioms and Expressions ကဏ္ဍမှာ အတွေး (thoughts) အခြေခံတဲ့  အီဒီယံအသုံးအနှုန်းများဖြစ်တဲ့ to have second thought, food for thought, collect one’s thoughts, lost in thought နဲ့ a penny for your thoughts တို့ကို တင်ပြထားပါတယ်။

ပထမဦးဆုံးတင်ပြပေးမယ့် အီဒီယံအသုံးမှာ to have second thought ဖြစ်ပါတယ်။ to Have = ရှိစေတာ, Second = ဒုတိယ၊ နောက်ထပ်, Thoughts = အတွေးများ ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်ကတော့ ဒုတိယအတွေးများကို ဝင်လာစေတာ ဖြစ်ပါတယ်။ အီဒီယံအဓိပ္ပါယ်ကတော့ ကျမတို့ မြန်မာစကားအရဆိုရင်တော့ သေသေချာချာ ပြန်စဉ်းစားကြည့်ပြီးတဲ့နောက်ပိုင်းမှာ စိတ်ပြောင်းချင်တဲ့သဘော။ ပထမဆုံးဖြတ်ထားတာ၊ ပြောထားတဲ့အပေါ် သံသယဝင်လာတဲ့သဘောမျိုး။ မသေချာတော့တဲ့ သဘောမျိုးကို ဆိုလိုပါတယ်။
ဒီအသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

The wedding is just a month away, but Mary is having second thoughts about getting married to John. So, we’ll have to wait and see.
မင်္ဂလာဆောင်ဖို့က တလလောက်ပဲ လိုတော့တယ်။ ဒါပေမဲ့လို့ Mary က John နဲ့ လက်ထပ်ဖို့ စိတ်ပြောင်းချင်ပုံပေါ်တယ်။ ဒါကြောင့် ကျနော်တို့တတွေ စောင့်ကြည့်ရမှာ ဖြစ်ပါတယ်။

ဒုတိယတင်ပြပေးမယ့် အီဒီယံအသုံးအနှုန်းမှာ food for thought ဖြစ်ပါတယ်။ Food = အစားအစာ, For = အတွက်, Thought = အတွေး တို့ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်ကတော့ အတွေးအတွက် အစားအစာ ဖြစ်ပါတယ်။ ဒီအသုံးရဲ့  အီဒီယံအဓိပ္ပါယ်ကလည်း ရှင်းတယ်လို့ဆိုနိုင်ပါတယ်။ သစ်ပင်ကို ရေလောင်းရင် သစ်ပင်ရှင်သန်လာတယ်။ အစားစားရင် လူဟာ သာမန်ကြီးထွားလာတယ်။ ဒီလိုပါပဲ ဦးနှောက်အတွက် စဉ်းစားစရာဖြစ်စေရင် အတွေးအခေါ်အတွက် အစာဖြစ်တယ်လို့ ဆိုနိုင်ပါတယ်။ ဒါကြောင့်မို့ food for thought ကို ရည်ညွှန်းတာဖြစ်ပါတယ်။ တနည်းအားဖြင့် လေးလေးနက်နက် စဉ်းစားစေတာ၊ အတွေးအခေါ်ကို ရင့်ကျက်စေတယ်ဆိုတဲ့ တွေးဖို့ခေါ်ဖို့၊ နဖူးပေါ်လက်တင် လေးလေးနက်နက် စဉ်းစားပေးဖို့ ဖန်တီးပေးဖို့ကိစ္စရပ်။ ဒါမှမဟုတ် အယူအဆ၊ ပြောဆိုချက် စသဖြင့်တို့ကို food for thought အီဒီယံနဲ့ ရည်ညွှန်းသုံးနိုင်ပါတယ်။
ဒီအသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

Your discussion on democracy has given me food for thought.
ဒီမိုကရေစီနဲ့ ပတ်သက်လို့ ခင်များ ဆွေးနွေးတင်ပြခဲ့တာတွေက ကျနော့်အတွက် တကယ်ပဲ လေးလေးနက်နက် စဉ်းစားစရာ ဖြစ်စေပါတယ်။

ဆက်လက်တင်ပြပေးမယ့် အီဒီယံအသုံးအနှုန်းမှာ collect one’s thoughts ဖြစ်ပါတယ်။ Collect = ပြန်သိမ်းသည်၊ စုဆောင်းသည်, One’s = တဦးတယောက်၏, Thoughts = အတွေးအခေါ်များ ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်မှာ တဦးတယောက်၏ အတွေးအခေါ်များကို ပြန်စုစည်းတာ၊ ပြန်သိမ်းယူတာ ဖြစ်ပါတယ်။ အီဒီယံအဓိပ္ပါယ်ကတော့ ကိစ္စတခုခုအကြောင်းကိုပြန်ပြီး အချိန်ယူစဉ်းစားတာကို ဆိုလိုပါတယ်။ တနည်းအားဖြင့် ပြန်ပြောင်းသုံးသပ် စဉ်းစားတဲ့သဘော ဖြစ်ပါတယ်။
ဒီအသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

John was glad his work day was over. Back at home he can relax and collect his thoughts about the meeting he had with his boss.
John တယောက် သူ့တနေ့တာအလုပ်ပြီးသွားတာကို ပျော်နေခဲ့တယ်။ အိမ်ပြန်ရောက်တော့ သူ နားနားနေနေနဲ့ သူ့ ဆရာသမားနဲ့ ဆွေးနွေးစည်းဝေးခဲ့တဲ့အကြောင်းကို ပြန်ပြောင်းသုံးသပ် စဉ်းစားနေခဲ့တယ်။

နောက်ထပ်တင်ပြပေးမယ့် အသုံးအနှုန်းမှာ lost in thought ဖြစ်ပါတယ်။ Lost = ဆုံးရှုံးသည်, In = အထဲမှာ, Thought = အတွေး တို့ဖြစ်ကြပြီး စကားစုတစုလုံးရဲ့  တိုက်ရိုက်အဓိပ္ပါယ်ကတော့ အတွေးထဲမှာ ဆုံးရှုံးနေသည် ဖြစ်ပါတယ်။ အီဒီယံသွယ်ဝိုက်အဓိပ္ပါယ်ကတော့ ကျမတို့မြန်မာစကားအရဆိုရင် အတွေးရေယဉ်ကြော နှစ်မျောနေတာကို ဆိုလိုပါတယ်။
ဒီအသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

I could not answer my friend’s question immediately as I was lost in thought.
ကျနော့်သူငယ်ချင်း မေးလိုက်တာကို ကျနော်ချက်ချင်း ပြန်မဖြေနိုင်ခဲ့ဘူး။ ကျနော်က အတွေးရေယဉ်ကြောထဲမှာ နှစ်မျောနေခဲ့တယ်။

နောက်ဆုံးတင်ပြပေးမယ့် အသုံးအနှုန်းမှာ a penny for your thoughts ဖြစ်ပါတယ်။ A = တခု၊ တပြား, Penny = အင်္ဂလိပ်၊ အမေရိကန်တို့ သုံးစွဲတဲ့ ပဲပြားအကြွေးစေ့, For = အတွက်, Your = သင်၏, Thoughts = အတွေးများ ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က သင့်အတွေးအတွက် ပဲပြားတပြား ပေးမယ် ဖြစ်ပါတယ်။ ဒီ အီဒီယံအသုံးက ၁၅၀၀ ခုနှစ်များခေတ်က ဗြိတိန်က ဆင်းသက်လာတယ်လို့ ဆိုပါတယ်။ ထိုစဉ်က penny တပြားဟာ အတော်လေး တန်းဖိုးရှိတဲ့ခေတ် ဖြစ်ပါတယ်။ အီဒီယံအဓိပ္ပါယ်ကတော့ လူတဦးဦး စဉ်းစားနေတာ၊ ငြိမ်နေတာကို ဘာဖြစ်လို့ ငြိ်မ်နေတာလဲ၊ ဘာတွေ စဉ်းစားနေတာလဲ သိပါရစေလို့ မေးတဲ့အခါ a penny for your thoughts လို့ပြောပြီး ယဉ်ယဉ်ကျေးကျေး မေးတာကို ဆိုလိုပါတယ်။
ဒီအသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

You seem very quiet. A penny for your thoughts?
ခင်များကို ကြည့်ရတာ ငြိမ်နေတာပဲ။ ခင်များ ဘာတွေ စဉ်းစားနေသလဲ။

By ဒေါ်လှလှသန်း
Ref: VOA

Read More

Moon စကားလုံဆိုင်ရာ အီဒီယံအသုံးအနှုန်းများ

ဒီတပတ် English Learning: America Idioms and Expressions ကဏ္ဍမှာ လမင်း (moon) အခြေခံတဲ့  အီဒီယံအသုံးအနှုန်းများဖြစ်တဲ့ reach for moon, over the moon, hung the moon, once in a blue moon နဲ့ moonlighting တို့ကို တင်ပြထားပါတယ်။

ပထမဦးဆုံး တင်ပြပေးမယ့် အီဒီယံအသုံးအနှုန်းမှာ reach for moon ဖြစ်ပါတယ်။ Reach = မှီအောင်လက်လှမ်းသည်။ For = အတွက်။ the Moon = လမင်း တို့ဖြစ်ပြီး တိုက်ရိုက်အဓိပ္ပါယ်က လမင်းကြီးကို လက်လှမ်းသည် ဖြစ်ပါတယ်။ ဒီနေရာမှာ moon အစား stars = ကြယ်တွေ အဓိပ္ပါယ်ရတဲ့ reach for the stars လို့လည်း ပြောဆိုနိုင်ပါတယ်။ အီဒီယံအဓိပ္ပါယ်ကလည်း ရှင်းပါတယ်။ လကို လက်လှမ်းမှီအောင် ကြိုးစားတယ်ဆိုရင် လက်တွေ့မှာ မဖြစ်နိုင်တာမို့ အီဒီယံအဓိပ္ပါယ်က သိပ်ကိုခက်ခဲလှတဲ့ မဖြစ်နိုင်လောက်တဲ့ ကြိုးပမ်းမှုကို ပြုလုပ်တာကို ဆိုလိုပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

There is no harm in reaching for the moon, but you have to be prepared to face disappointment.

မဖြစ်နိုင်တာကို မျှော်မှန်းဖို့ ကြိုးပမ်းတာက ပြဿနာမရှိပါဘူး။ ဒါပေမဲ့လို့ စိတ်ပျက်မှုနဲ့ ရင်ဆိုင်ဖို့အတွက်တော့ အဆင်သင့်ဖြစ်ဖို့ လိုတယ်။

ဒုတိယ တင်ပြပေးမယ့် အသုံးအနှုန်းက over the moon ဖြစ်ပါတယ်။ Over = ကျော်လွှာသည်။ the Moon = လမင်း တို့ဖြစ်ပြီး တိုက်ရိုက်အဓိပ္ပါယ်က လမင်းကြီးကို ကျော်လွှာသည် ဖြစ်ပါတယ်။ ဒီအသုံးက အဓိပ္ပါယ်က တင်စားပြောထားတာ ဖြစ်ပါတယ်။ လူတဦးရဲ့  စိတ်ဟာ သိပ်ကိုပေါ့ပါးပြီးတော့ မိုးကောင်ကင်ပေါ် တက်သွားတယ်ဆိုတဲ့သဘောမျိုးဆိုရင် တခုခုနဲ့ ပတ်သက်လို့ သိပ်ကို စိတ်ပေါ့ပါးတာ၊ ရွှင်ပြတာ၊ ဝမ်းသာမဆုံး ဖြစ်တာကို ဆိုလိုတာဖြစ်ပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

John is over the moon these days. He got a well-paying job and is soon getting married to the girl he loves.

John တယောက် အခုတလော ပျော်မဆုံး ဖြစ်နေတယ်။ လခကောင်းတဲ့ အလုပ်လည်း သူရထားသလို၊ သူချစ်တဲ့ မိန်းခလေးနဲ့လည်း မကြာမီ လက်ထပ်တော့မယ်။

ဆက်လက်တင်ပြပေးမယ့် အသုံးမှာ hung the moon ဖြစ်ပါတယ်။ Hung = Hang (verb - ကြိယာ)ဝေါဟာရ က ဆင်းသက်လာပြီး ချိတ်ဆွဲတယ် ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်က လမင်းကြီးကို ချိတ်သည် ဖြစ်ပါတယ်။ လမင်းကိုတောင် သွားချိတ်နိုင်စွမ်း ရှိတယ်ဆိုရင် အဲဒီ ပုဂ္ဂိုလ်ဟာ သိပ်ကိုအထင်ကြီးခံရတာ၊ သိပ်တော်တယ်၊ သိပ်တတ်တယ်လို့ ယူဆခံရတာ။ တနည်းအားဖြင့် ခြောက်ပြစ်ကင်း သဲလဲစင်လို့ ယူဆခံရတဲ့ လူမျိုးကို ဆိုလိုတာ ဖြစ်ပါတယ်။ ခေတ်စကားအရတော့ superstar ဖြစ်ပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

When I first met Mary, I thought she hung the moon and I instantly fell in love with her.

ကျနော် Mary နဲ့ စတွေ့ချိန်က သူကို အပြတ်အထင်ကြီးတာ။ ဒါကြောင့်လည်း ကျနော် သူ့ကိုမြင်မြင်ချင်းပဲ ချစ်သွားခဲ့တယ်။

နောက်ထပ်တင်ပြပေးမယ့် အသုံးအနှုန်းက once in a blue moon ဖြစ်ပါတယ်။ Once = တကြိမ်။ In = အထဲမှာ။ Blue = အပြာရောင်။ Moon = လမင်း တို့ဖြစ်ပြီး တိုက်ရိုက်အဓိပ္ပါယ်က အပြာရောင် လတကြိမ် ဖြစ်ပါတယ်။ ဒီအသုံးဆင်းသက်လာတာကတော့ အမေရိကန်ပြည်ထောင်စုရဲ့  ပြည်နယ်တခုဖြစ်တဲ့ Maine ပြည်နယ်ရှိ လယ်သမားတွေရဲ့  မိုးလေဝသခန့်မှန်းခြေ လက်စွဲစာအုပ်ထဲကလို့ ဆိုပါတယ်။ အဲဒီမှာ ပြက္ခဒိန် ကို သတ်မှတ်ရာမှာ ကျမတို့ မြန်မာမှာလိုပဲ လပြည့်၊ လကွယ်နဲ့ သတ်မှတ်ရာမှာ လပြည့်ကို အနီရောင်နဲ့ သတ်မှတ်ထားတယ်လို့ ဆိုပါတယ်။ လဟာ တလတခါ ပြည့်တာများပေမယ့် တချို့ လတွေမှာတော့ ဒုတိယအကြိမ် တလထဲ လနှစ်ကြိမ်ပြည့်တဲ့အခါတွေလည်း ရှိပါတယ်။ ပထမလပြည့်ကို အနီရောင်ခြယ်သထားပြီး၊ ဒုတိယလပြည့်ကိုတော့ အပြာရောင်နဲ့ ခြယ်ပြထားရာကနေ အပြာရောင်လ ဆင်းသက်လာတာ ဖြစ်ပါတယ်။ ဆိုလိုတာကတော့ တလမှာ လပြည့်နှစ်ခါကြုံဖို့က ခဲယဉ်းလှသလို once in a blue moon ဆိုတဲ့ အသုံးအနှုန်းကလည်း ကြုံတောင့်ကြုံခဲ အဖြစ်မျိုးကိုရည်ညွှန်း ပြောတာဖြစ်ပါတယ်။ သိပ်ကို ပြုလုပ်ခဲလှတယ်ဆိုရင် ဒီအသုံးကို သုံးစွဲပြောဆိုနိုင်ပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

I like to eat out at an expensive restaurant, but since I started saving, I only eat out once in a blue moon.

ကျနော်က အကောင်းဆုံးစားသောက်ဆိုင်တွေမှာ ထွက်စားတာကြိုက်တယ်။ ဒါပေမဲ့လို့ ကျနော် ပိုက်ဆံစ ဆုလာချိန်ကတည်းက နောက်ပိုင်းမှာ အပြင် သိပ်ထွက်စားခဲလှတယ်။

နောက်ဆုံးတင်ပြပေးမယ့် အသုံးအနှုန်းမှာ moonlighting ဖြစ်ပါတယ်။ Moon = လမင်း။ Lighting = အလင်းရောင် ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်ကတော့ လရဲ့  အလင်းရောင် ဖြစ်ပါတယ်။ ဒီအသုံးရဲ့  အီဒီယံအဓိပ္ပါယ်က လူတဦးအနေနဲ့ အချိန်ပြည့် အလုပ်တခုခုကို လုပ်ရကနေ၊ နောက်တခုကို အားတဲ့အချိန်ပိုမှာ လုပ်တာကို ဆိုလိုပါတယ်။ တနည်းအားဖြင့်တော့ နေအချိန်မှာ အလုပ်လုပ်တာကို moonlighting ဆိုတဲ့ ညအချိန်မှာလည်း ခိုးလုပ်တဲ့သဘောမျိုးကို ရည်ညွှန်းတာဖြစ်ပါတယ်။ တနေ့မှာ အလုပ် (၈) နာရီ သတ်မှတ်ထားတဲ့ သာမန်အလုပ်ချိန်မှာ (၈) နာရီထက်ကျော်ပြီး တခြားနေရာမှာ ဝင်ငွေပိုရလေအောင် အလုပ်လုပ်ရင် ကိုယ့်ကိုအချိန်ပြည့် (၈) နာရီ ငှားထားတဲ့အလုပ်ရှင်က နှစ်သက်ချင်မှနှစ်သက်မှာ ဖြစ်ပါတယ်။  တခါတရံ တကယ့်အလုပ်ချိန်မှာ ပင်ပန်းလို့ အလုပ်ကောင်းကောင်းမလုပ်နိုင်တာမျိုး အိပ်ငိုက်တာမျိုး၊ ဥာဏ်မရွှင်တာမျိုး ဖြစ်တာမျိုး ဖြစ်ပါတယ်။ ဒါကြောင့်မို့ အလုပ်နှစ်ခုကို တွဲလုပ်ရာမှာ အပိုအလုပ်ကို အထူးသဖြင့် ခိုးလုပ်ရတဲ့အချိန်မျိုးမှာ ဒီအသုံးကို သုံးစွဲနိုင်ပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

He is a doctor at our hospital, but he moonlights at another hospital during his off-days.

သူက ကျနော်တို့ဆေးရုံမှာ ဆရာဝန် ဖြစ်တယ်။ ဒါပေမဲ့ သူက အားလပ်တဲ့ ရုံးပိတ်ရက်တွေမှာ နောက်ဆေးရုံတရုံမှာ အလုပ်ခိုးလုပ်နေတယ်။

By ဒေါ်လှလှသန်း
Ref: VOA

Read More

Ball စကားလုံးဆိုင်ရာ အီဒီယံအသုံးအနှုန်းများ

ဒီတပတ် English Learning: America Idioms and Expressions ကဏ္ဍမှာ ဘောလုံး (ball) အခြေခံတဲ့ အီဒီယံအသုံးအနှုန်းများဖြစ်တဲ့ the ball is in your court, get the ball rolling, keep the ball rolling နဲ့ play hard ball တို့ကို တင်ပြထားပါတယ်။

ပထမဦးဆုံး တင်ပြပေးမယ့် အီဒီယံအသုံးမှာ the ball is in your court ဖြစ်ပါတယ်။ Ball = ဘောလုံး, In = အထဲမှာ, Your = သင့်၏, Court = ကွင်း ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က ဘောလုံးဟာ သင့်၏ ကစားကွင်းထဲမှာ ရောက်နေသည် ဖြစ်ပါတယ်။ ဒီအသုံး ဆင်းသက်လာတာကတော့ တင်းနစ် (tennis) ကစားနည်းက ဖြစ်ပါတယ်။ တင်းနစ် ရိုက်ရာမှာ တဦးချင်းရိုက်ရိုက်၊ အတွဲလိုက်ရိုက်ရိုက်။ တဖက်က ရိုက်လိုက်တဲ့ ဘောလုံးဟာ တဖက်ကွင်းကို ရောက်လာပြီဆိုရင် အဲဒီဖက်က ကစားသမားရဲ့  တာဝန်ကတော့ ပွဲဆက်ကစားနိုင်ဖို့ ဘောလုံးကို ပြန်ရိုက်နိုင်ဖို့ ဖြစ်ပါတယ်။ ဒီသဘောအတိုင်းပါပဲ အီဒီယံအဓိပ္ပါယ်က နေ့စဉ်ဘဝမှာ တဖက်ဖက်က တခုခုလုပ်ပေးလိုက်ပြီဆိုရင် ဘယ်လိုတုံ့ပြန်ပြီး ရှေ့ ဆက်မယ့် တာဝန်က ကိုယ့်ဖက်ကတာဝန် ဖြစ်တဲ့သဘောမျိုး ဖြစ်ပါတယ်။ အလားတူပဲ ကိုယ့်ဖက်ကတော့ လုပ်ပေးလိုက်ပြီး အလုပ်ဖြစ်ဖို့ တုံ့ပြန်မှုက တဖက်ရဲ့  တာဝန်ဆိုပြီး ရည်ညွှန်းပြောဆိုနိုင်ပါတယ်။

ဥပမာ မြန်မာနိုင်ငံက နိုင်ငံရေးပြုပြင်ပြောင်းလဲမှုတွေ ဖော်ဆောင်လိုက်ပြီး နိုင်ငံတကာက ဘယ်လိုတုံ့ပြန်မလဲ။ နိုင်ငံတကာကလည်း မြန်မာနိုင်ငံအပေါ် ချမှတ်ထားတဲ့ တချို့  ဒဏ်ခတ်ပိတ်ဆို့မှုတွေကို လျှော့ချပေးဖို့၊ ဆိုင်းငံ့ပေးဖို့ အရေးယူဆောင်ရွက်ပြီဆိုရင် မြန်မာအစိုးရဖက်ကရော ဘယ်လိုတုံ့ပြန်မလဲ စသဖြင့် အခြေအနေမျိုးမှာလည်း the ball is in your court လို့ သုံးစွဲနိုင်ပါတယ်။ ဒါကြောင့် အီဒီယံနေ့စဉ်အသုံးကတော့ လူတဦးအနေနဲ့ တဖက်က အရေးယူဆောင်ရွက်လိုက်တာကို ကိုယ့်ဖက်က ဘယ်လိုတုံ့ပြန်မလဲဆိုတဲ့သဘောမျိုးကို ဆိုလိုပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

I offered a price for his home more than what he asked. So, the ball is in his court. Let me know whether he wants to sell it or not.

ကျနော်က သူ့အိမ်ကို သူတောင်းတဲ့ဈေးထက်ပိုပြီး ဝယ်မယ်လို့ ကမ်းလှမ်းထားတယ်။ ဒါကြောင့် သူ့အိမ် ရောင်းမယ်၊ မရောင်းဘူးဆိုတဲ့ သူ့ဆန္ဒကို ကျနော်အား အသိပေးဖို့ သူ့ဖက်မှာ တာဝန်ရှိနေတယ်။

ဒုတိယတင်ပြပေးမယ့် အီဒီယံအသုံးက get the ball rolling ဖြစ်ပါတယ်။ Get = တခုခုဖြစ်အောင် လုပ်သည်, Ball = ဘောလုံး, Rolling = Roll = ကြိယာ (verb) အဖြစ်အသုံးပြုထားတဲ့ လှိမ့်တယ် ဝေါဟာရမှ ဆင်းသက်လာပြီး၊ Rolling ကတော့ လှိမ့်နေတယ် ဖြစ်ပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်က ဘောလုံးကစပြီး လှိမ့်အောင်လုပ်တာ ဖြစ်ပါတယ်။ တချို့  အားကစားနည်းတွေမှာဆိုရင် ဘောလုံးကို စကန်၊ စလှိမ့်ဖို့လိုတဲ့ ပွဲမျိုးတွေ ရှိပါတယ်။ ဒါကြောင့် ဒီအသုံးကလည်း အဲဒီကနေ ဆင်းသက်လာတာ ဖြစ်ပါတယ်။ နေ့စဉ်ဘဝ အီဒီယံအသုံးကတော့ လုပ်ငန်းတခုခုပဲဖြစ်ဖြစ် ကြိုးပမ်းမှုတခုခုပဲဖြစ်ဖြစ် စတင်ပြီး လည်ပတ်ဖို့၊ စတင်ဖြစ်မြောက်ဖို့ကို လုပ်ဆောင်ပေးတာ ဖြစ်ပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

I gave one thousand dollar to get the ball rolling for this project to help the orphans. I hope others will also help later.

ကျနော်က ဒီ မိဘမဲ့ခလေးတွေအတွက် အကူအညီပေးမယ့် အစီအစဉ်ကို စနိုင်ဖို့ ဒေါ်လာတစ်ထောင် ထည့်ပါမယ်။ တခြားလူတွေလည်း နောက်ပိုင်း အကူအညီတွေ ပေးလာပါလိမ့်မယ်လို့ မျှော်လင့်ပါတယ်။

Get the ball rolling က တခုခုကို စတင်ဖို့ လုပ်ဆောင်ပေးတာဖြစ်သလို စတင်ပြီးဖြစ်တဲ့ လုပ်ငန်းတခုခုကို ဆက်လည်ပတ်ဖို့ဆိုရင် keep the ball rolling လို့ ပြောဆိုနိုင်ပါတယ်။ Keep = တခုခုကို ဆက်ဖြစ်စေတာကို ဆိုလိုပါတယ်။ ဒါကြောင့် keep the ball rolling ရဲ့  တိုက်ရိုက်အဓိပ္ပါယ်က ဘောလုံးကို ဆက်လိမ့်စေတာ ဖြစ်ပါတယ်။ အီဒီယံဆိုတဲ့ သွယ်ဝိုက်အဓိပါယ်ကလည်း ရှင်းပါတယ်။ လုပ်ငန်းတခုခုကို ဆက်ပြီးလည်ပတ်စေဖို့ လုပ်ဆောင်ပေးတာကို ဆိုလိုပါတယ်။ ဥပမာ စကားပြောနေတယ်ဆိုရင်လည်း စကားမပြတ်၊ ဆက်ပြီးပြောဆိုနိုင်အောင် တခုခုကို ကိုယ်ကကြားဝင် အလိုက်အထိုက် ပြောဆိုတာလည်း ရှိတတ်ပါတယ်။ ဘန်းစကားအရတော့ လေမပျက်ရလေအောင်၊ စကားမပြတ်ရလေအောင် ကြားကဝင်ပြီး ကြည့်ပြောတာ ဖြစ်ပါတယ်။ လုပ်ငန်းမှာဆိုရင်လည်း လုပ်ငန်းဆက်လက် လည်ပတ်နိုင်အောင် လုပ်ဆောင်ပေးတာကို ဆိုလိုပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

Mary, the project director, has left. So, who will take her place to keep the ball rolling?

စီမံကိန်းအကြီးအကဲ Mary တယောက် အလုပ်က နုတ်ထွက်သွားခဲ့ပြီ။ အဲဒီတော့ လုပ်ငန်းဆက် လည်ပတ်ဖို့ ဘယ်သူက သူ့နေရာ ယူမလဲ။

နောက်ဆုံးတင်ပြပေးမယ့် အီဒီယံအသုံးမှာ play hard ball ဖြစ်ပါတယ်။ Play = ကစားသည်, Hard = ခက်ခဲသည်၊ မာကျောသည်, Ball = ဘောလုံး ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က ဘောလုံးမာနဲ့ ကစားသည် ဖြစ်ပါတယ်။ ဒီအသုံးက အမေရိကန်ပြည်ထောင်စုမှာ လူကြိုက်များတဲ့ baseball အားကစားကနေ ဆင်းသက်လာတာ ဖြစ်ပါတယ်။ ဘေ့စ်ဘောမှာ မာတဲ့ ဘောလုံးကို အသုံးပြုပြီး ကစားကြပါတယ်။ အီဒီယံသွယ်ဝိုက် အဓိပ္ပါယ်ကတော့ အနိုင်ရဖို့ ကိုယ်လိုချင်တာကိုရဖို့ သမာသမတ်ကျသည်ဖြစ်စေ၊ မကျသည်ဖြစ်စေ မဖြစ်ဖြစ်တဲ့နည်းနဲ့ လုပ်ယူတာကို ဆိုလိုပါတယ်။ အထူးသဖြင့် စီးပွားရေးနဲ့ နိုင်ငံရေးလောကတွေမှာ ခပ်မာမာ ဆက်ဆံတဲ့လူမျိုးကို ဆိုလိုပါတယ်။ ကျမတို့ မြန်မာမှာတော့ ဒီလူဟာ မလွယ်ဘူးဆိုရင်တော့ ဒီ အီဒီယံအသုံးကို သုံးစွဲနိုင်ပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

The factory owner is playing hard ball with workers, who are on strike. He is refusing to raise their overtime pay.

စက်ရုံပိုင်ရှင်က ဆန္ဒပြအလုပ်သမားတွေအပေါ် ခပ်မာမာ ဆက်ဆံနေတယ်။ အလုပ်သမားတွေ အချိန်ပိုကြေး တောင်းဆိုနေတာကို ငြင်းဆိုနေတယ်။

By ဒေါ်လှလှသန်း
Ref: VOA

Read More

Point စကားလုံးဆိုင်ရာ အီဒီယံအသုံးအနှုန်းများ

ဒီတပတ် English Learning: America Idioms and Expressions ကဏ္ဍမှာ တင်ပြပေးထားတဲ့ အီဒီယံအသုံးအနှုန်းများမှာ a case in point, sticking point, beside the point နဲ့ score a point တို့ ဖြစ်ပါတယ်။

ပထမဦးဆုံး တင်ပြပေးထားတဲ့ အီဒီယံအသုံးအနှုန်းမှာ a case in point ဖြစ်ပါတယ်။ A = တခု, Case = ဖြစ်ရပ်တရပ်, In = အထဲမှာ (သို့မဟုတ်) ရှိနေတာ၊ ပတ်သက်နေတာ, Point = (အဓိပ္ပါယ်အမျိုးမျိုးရှိရာမှာ) noun - နာမ်အဖြစ်သုံးရင်တော့ အဖျား၊ အချွန်၊ အစွန်း၊ အငူ၊ အဆင့်၊ အမှတ်၊ အချက်အလက် တို့ဖြစ်ပြီး။ verb - ကြိယာအဖြစ်သုံးရင်တော့ ညွှန်ပြသည်၊ ထောက်ပြသည်၊ ချွန်မြသည် တို့ ဖြစ်ကြပါတယ်။ ဒါကြောင့် စကားစုတခုလုံးရဲ့  တိုက်ရိုက်အဓိပ္ပါယ်က ဖြစ်ရပ်တခုကို ထောက်ပြရရင်တော့ ဖြစ်ပါသည်။ အီဒီယံအဓိပ္ပါယ်ကလည်း ဆင်တူတယ်လို့ ဆိုနိုင်ပါတယ်။ တခုခုအကြောင်း စကားပြောဆိုရာမှာ ဥပမာဖြင့် ထောက်ပြရရင်။ တနည်း ဒီအကြောင်းနဲ့ ပတ်သက်လို့ ပိုရှင်းလင်းအောင် ပြောရမယ်ဆိုတဲ့ အဓိပ္ပါယ်မျိုး ယူနိုင်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်။

Smoking is dangerous to one's health a case in point is my brother John, who smokes two packs a day. He has a lung cancer, and a doctor said he won't live long.

ဆေးလိပ်သောက်တာ လူ့ကျန်းမာရေးအတွက် အန္တရာယ်ရှိတယ်ဆိုတာကို သက်သေအဖြစ် ထောက်ပြရမယ်ဆိုရင် ကျနော့်ညီ John ဟာ တနေ့ ဆေးလိပ် (၂) ဘူး သောက်တယ်။ အဆုတ်ကင်ဆာ ဖြစ်လို့ သူကြာကြာ အသက်ရှင်နေတော့မှာ မဟုတ်ဘူးလို့ ဆရာဝန်က ပြောတယ်။

ဒုတိယ တင်ပြပေးမယ့် အီဒီယံအသုံးအနှုန်းမှာ sticking point ဖြစ်ပါတယ်။ Sticking = ဒီနေရာမှာ နာမဝိသေသန (adjective) ဖြစ် သုံးထားပြီး၊ ထိုးထွက်ထောင်ထွက်နေသော, Point = အချက်အလက် တို့ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်မှာ ထိုးထွက်ထောင်ထွက်နေသော အချက်အလက် ဖြစ်ပါတယ်။ အီဒီယံသွယ်ဝိုက်အဓိပ္ပါယ်ကတော့ နှစ်ဖက်ကြား အမြင်ချင်းမတူ၊ မတိုက်ဆိုင်ခြင်း ဖြစ်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်။

The sticking point between two labor unions is a pay rate and working hours.

အလုပ်သမဂ္ဂ နှစ်ဖွဲ့ကြား သဘောမတူနိုင်တဲ့ အချက်ကတော့ လစာတိုးပေးရေးနဲ့ အလုပ်ချိန် သတ်မှတ်ရေးနဲ့ ပတ်သက်နေတယ်။

နောက်ထပ် တင်ပြပေးမယ့် အီဒီယံအသုံးအနှုန်းမှာ beside the point ဖြစ်ပါတယ်။ Beside = ဘေးမှာ, Point = အချက် ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်ကတော့ အချက်အလက်ဘေးမှာ ဖြစ်ပါတယ်။ အီဒီယံသွယ်ဝိုက်အဓိပ္ပါယ်ကလည်း သိပ်မကွာလှပါဘူး။ ပြောနေတဲ့ ဆွေးနွေးနေတဲ့ အချက်အလက်နဲ့ ဘာမှ မဆိုင်ဘူးဆိုရင် That side the point လို့ သုံးနှုန်းနိုင်ပါတယ်။ မဆီမဆိုင်၊ မပတ်သက်တာ၊ ဘာဆိုင်လို့လည်း သဘောမျိုး ဖြစ်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်။

Since we are trying to get young people to join our group. What old people think is beside the point. We don't think it's important.

ကျနော်တို့က ကျနော်တို့အဖွဲ့ကို လူငယ်တွေ စိတ်ဝင်စားဖို့ ကြိုးစားနေတယ်ဆိုတော့ လူကြီးတွေရဲ့  အမြင်က ကျနော်တို့နဲ့ မဆိုင်ဘူးလေ။ ဒါကြောင့် လူကြီးတွေရဲ့  အမြင်က အရေးကြီးတယ်လို့ ဒီနေရာမှာ ကျနော်တို့ မထင်ဘူး။

နောက်ဆုံးတင်ပြပေးမယ့် အီဒီယံအသုံးအနှုန်းမှာ score a point ဖြစ်ပါတယ်။ Score = အမှတ်ရသည်၊ အောင်ပွဲရသည်၊ အနိုင်မှတ်ရသည်, A = တခု, Point = အမှတ်၊ အချက်အလက် တို့ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်ကတော့ အမှတ်ရလိုက်သည်၊ အမှတ်ယူလိုက်သည် ဖြစ်ပါတယ်။ အထူးသဖြင့် အားကစားမှာ ဂိုးတဂိုး သွင်းလိုက်တယ်ဆိုရင် အမှတ်ရတဲ့အတွက်ကြောင့် score a point လို့ ပြောလို့ရပါတယ်။ အီဒီယံသွယ်ဝိုက် အဓိပ္ပါယ်ကလည်း ကျမတို့ မြန်မာဘန်းစကားအရ မှတ်ယူလိုက်နိုင်တာ ဖြစ်ပါတယ်။ ဂျက်မိလိုက်တာ၊ တဖတ်သား အထင်ကြီးအောင်၊ အလေးထားအောင် လုပ်နိုင်တာကို ဆိုနိုင်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်။

Our governor scored a point with people when he promised them he will work to reduce taxes.

ကျနော်တို့ပြည်နယ် အုပ်ချုပ်ရေးမှူးက အခွန်ငွေ လျှော့ချရေးအတွက် သူကြိုးပမ်းလုပ်ဆောင်သွားမယ်လို့ ဂတိပေးလိုက်တော့ လူထုကြားမှာ အမှတ်ရသွားခဲ့တယ်။

By ဒေါ်လှလှသန်း
Ref: VOA

Read More

Call စကားလုံးဆိုင်ရာ အီဒီယံအသုံးအနှုန်းများ

ဒီသတင်းပတ် English Learning: America Idioms and Expressions ကဏ္ဍမှာ call it a day, call the shots, at beck and call နဲ့ close call စတဲ့ အီဒီယံအသုံးအနှုန်းများကို တင်ပြထားပါတယ်။

ပထမဦးဆုံး တင်ပြပေးမယ့် အီဒီယံအသုံးမှာ call it a day ဖြစ်ပါတယ်။ Call = ခေါ်သည်၊ It = တခုခုကို ရည်ညွှန်းသည့် နာမ်စား၊ A= တခု၊ Day= ရက် ဆိုတော့ စကားစုတခုလုံးရဲ့  တိုက်ရိုက်အဓိပ္ပါယ်မှာ ရက်တရက်ကို ခေါ်လိုက်သည် ဖြစ်ပါတယ်။ အီဒီယံအဓိပ္ပါယ်ကတော့ ဒီနေ့အတွက်တော့ ဒီမျှပဲ၊ လုပ်နေတာတွေ အားလုံးရပ်ပြီး နားလိုက်တော့မယ်၊ အလုပ်သိမ်းတော့မယ် ဖြစ်ပါတယ်။ တခါတရံလည်း ကိုယ်တသက်လုံး လုပ်လာတာကို ရပ်တော့မယ်၊ အနားယူတော့မယ်၊ ဆက်မလုပ်တော့ဘူးဆိုရင်လည်း call it a day လို့ ရည်ညွှန်းသုံးနိုင်ပါတယ်။
ဒီအသုံးနဲ့ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

I am so tired after working the whole day on the accounts. I am calling it a day.
ငွေစာရင်းတွေနဲ့ ပတ်သက်လို့ တနေကုန် အလုပ်လုပ်နေရတာ အတော်လေး ပင်ပန်းနေပြီဗျ။ ကျနော် ဒီနေ့အတွက် အလုပ်သိမ်းတော့မယ်။

ဆက်လက်တင်ပြပေးမှာက call the shots ဖြစ်ပါတယ်။ Call = ခေါ်သည်၊ the Shots = ဒီနေရာမှာ အဓိပ္ပါယ်အမျိုးမျိုးရှိပေမယ့် ပစ်ခတ်တယ်လို့ အဓိပ္ပါယ်ရတဲ့ shoot ကြိယာရဲ့  နာမ် (noun) အဖြစ် အသုံးပြုထားတာဖြစ်ပြီး shots က ပစ်ခတ်မှုများ ဖြစ်ပါတယ်။ ဒါကြောင့် စကားစုတခုလုံးရဲ့  တိုက်ရိုက်အဓိပ္ပါယ်က ပစ်ခတ်ဖို့အတွက် ခေါ်ပေးတာ၊ အော်ပေးတာ ဖြစ်ပါတယ်။ အီဒီယံအသုံးအနှုန်း ဆင်းသက်လာတဲ့ အယူအဆအမျိုးမျိုးရှိတဲ့အနက် တမျိုးကတော့ ရှေ့  ဗြိတိသျှသင်္ဘောတွေ လက်ထက်ကဆိုရင် ရန်သူကို ပစ်ခတ်ရာမှာ ကုန်းပတ်ပေါ်မှာရှိတဲ့ တာဝန်ကျအရာရှိက ဘယ်နေရာကို ချိန်ပစ်ရမယ်ဆိုတာကို အောက်ဖက်က သေနတ်သမားတွေကို အမိန့်ပေးရာကနေ ဆင်းသက်လာတယ်လို့ ဆိုပါတယ်။ ဒီအသုံးရဲ့  အီဒီယံအဓိပ္ပါယ်က အဆုံးအဖြတ်ပေးတဲ့နေရာမှာ ရှိနေတာ၊ အရေးကြီးတဲ့ ဆုံးဖြတ်ချက်တွေကို ပြုလုပ်တာ၊ လုပ်ပိုင်ခွင့်ရှိတဲ့နေရာမှာ ရှိနေတာ။ ကျမတို့ ခေတ်စကားအရဆိုရင် လိုအပ်သည်များကို ညွှန်းကြားတဲ့နေရာမှာ ရှိနေခြင်း ဖြစ်ပါတယ်။ ဘန်းစကားအရဆိုရင်တော့ သူကဗိုလ်ပဲပေါ့။
ဒီအသုံးနဲ့ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

Our boss Mr. Green calls the shot at work, but at home it’s his wife, who makes important decisions.
ကျနော်တို့ ဆရာသမား Mr. Green က အလုပ်မှာတော့ သူက အဆုံးအဖြတ်ပေးတဲ့နေရာမှာ ရှိနေပေမယ့် အိမ်မှာဆိုရင်တော့ အရေးကြီးတဲ့ ဆုံးဖြတ်ချက်တွေကိုတော့ သူ့ဇနီးက ဆုံးဖြတ်လေ့ရှိတယ်။

ဆက်လက်တင်ပြပေးမယ့် အီဒီယံအသုံးမှာ at beck and call ဖြစ်ပါတယ်။ At = နေရာကိုပြတဲ့ ဝိဘတ် (preposition)၊ Beck က Beckon ဆိုတဲ့ ၁၄ ရာစုအသုံးကနေ ဆင်းသက်လာပြီး လက်အမှုအရာ၊ မျက်နှာအမှုအရာ၊ ခေါင်းလှုပ်ရှားမှုကိုသုံးပြီး ခိုင်းတာ၊ အမိန့်ပေးတာ၊ ညွှန်းကြားတာတို့ ဖြစ်ပါတယ်။ And = နှင့်၊ Call = ခေါ်သည် တို့ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်မှာ ခေါ်ပြီးရင်ခေါ်ပြန်ရင် ဖြစ်ပါတယ်။ တချို့ ကတော့ beck and call ဟာ beckon call ကနေ ကာလရွေ့ လျားလာတော့ beck and call ဖြစ်လာတယ်လို့ ဆိုကြပါတယ်။ ဘယ်လိုပဲဖြစ်ဖြစ် beck and call အီဒီယံအဓိပ္ပါယ်က စောစောက တိုက်ရိုက်အဓိပ္ပါယ်နဲ့ အလားတူတယ်လို့ ဆိုနိုင်ပါတယ်။ ခဏခဏခေါ်ပြီး အခိုင်းခံနေရတာပေါ့။ ကျမတို့ မြန်မာဘန်းစကားအရတော့ ခိုင်းဖက်ဖြစ်နေခြင်း ဖြစ်ပါတယ်။
ဒီအသုံးနဲ့ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

Mary bullies her younger sister Jones a lot. Jones is at her beck and call and sometimes she complaints to her mother.
Mary က သူ့ညီမငယ် Jones အပေါ် ဗိုလ်ကျတယ်။ Jones ကို သူက ခဏခဏ ခေါ်ခိုင်းတော့ တခါတလေလည်း Jones က သူ့အမေကို တိုင်းပြောတယ်။

နောက်ဆုံးတင်ပြပေးမယ့် အီဒီယံအသုံးအနှုန်းမှာ close call ဖြစ်ပါတယ်။ Close = ကပ်တာ၊ နီးတာ၊ Call = ခေါ်သည် ဖြစ်ပြီး တိုက်ရိုက်အဓိပ္ပါယ်မှာ ကပ်ပြီးခေါ်သည် ဖြစ်ပါတယ်။ အီဒီယံသွယ်ဝိုက်အဓိပ္ပါယ်ကတော့ ဒီနေရာမှာ အန္တရာယ်ကနေ သီသီလေး လွတ်တာကို ဆိုလိုပါတယ်။ ကံကောင်းလို့ လက်မတင်ကလေး လွတ်သွားတယ်သဘောမျိုး ဖြစ်ပါတယ်။
ဒီအသုံးနဲ့ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

We were very lucky as we got out of our house before it was burnt down. It was a very close call.
ကျနော်တို့ သိပ်ကို ကံကောင်းတယ်။ အိမ်တအိမ်လုံး မီးလောင်ပြာမကျခင် ကျနော်တို့ လက်မတင်ကလေး ထွက်ပြေးနိုင်ခဲ့ကြတယ်။

By ဒေါ်လှလှသန်း
Ref: VOA

Read More

Color ဆိုင်ရာ အီဒီယံအသုံးအနှုန်းများ

အရောင်တွေဟာ သဘာဝကို အလှခြယ်ရာမှာ အသုံးဝင်သလို ဘာသာစကားမှာလည်း အရောင်နဲ့တွဲပြီး ဝေဝေဆာဆာဖြစ်အောင် အသုံးပြုထားတာတွေ ရှိတာမို့ ဒီတပတ် အမေရိကန်စတိုင်လ် (American style) အစီအစဉ်မှာ အရောင် (color) ဖြစ်တဲ့ အနီ၊ အမဲ၊ အဖြူ၊ ရွှေ စတဲ့ အသုံးအနှုန်းတွေကို အခြေခံတဲ့ in the red, white lie, black sheep နဲ့ golden handshake စတဲ့ အီဒီယံတွေကို တင်ပြပေးသွားပါမယ်။

ပထမဦးဆုံး တင်ပြပေးမယ့် အီဒီယံအသုံးအနှုန်းမှာ in the red ဖြစ်ပါတယ်။ In = အထဲမှာ, Red = အနီရောင် ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်က အနီရောင်ထဲမှာ ဖြစ်ပါတယ်။ စာရင်းစစ်မှာဆိုရင် အနီရောင်မင်နဲ့ ရေးတယ်ဆိုရင် လိုငွေပြတာ၊ အနုတ်လက္ခဏာ ပြဆိုခြင်း ဖြစ်ပါတယ်။ ဒါကြောင့် ဒီအသုံးရဲ့  အီဒီယံအဓိပ္ပါယ်က လိုငွေပြနေတာ၊ ကိုယ်မှာ ငွေမရှိတော့တာ၊ ပိုက်ဆံကုန်သွားတာ၊ အနုတ်လက္ခဏာကို ပြတဲ့သဘောဖြစ်ပါတယ်။ ကျမတို့ မြန်မာဘန်းစကားမှာတော့ ဘိုင်ကျတဲ့ အခြေအနေမျိုး ဖြစ်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

If you keep spending money on expensive things, you will soon be in the red.
ခင်များ ဈေးကြီးတဲ့ပစ္စည်းတွေပဲ ဝယ်ယူနေမယ်ဆိုရင်တော့ ခင်များလက်ထဲမှာ မကြာခင် ငွေကျန်တော့မှာ မဟုတ်ဘူး။

ဆက်လက်တင်ပြပေးမယ့် အသုံးအနှုန်းမှာ white lie ဖြစ်ပါတယ်။ White = အဖြူရောင်, Lie = မုသားပြောဆိုခြင်း၊ လိမ်ပြောခြင်း တို့ ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က အဖြူရောင်မုသား၊ မုသားအဖြူရောင် ဖြစ်ပါတယ်။ မုသားဆိုတာ လိမ်ပြောတာ ဖြစ်တာမို့ မကောင်းတာဖြစ်ပေမယ့် တခါတရံလည်း ကျမတို့ မြန်မာဆိုရိုစကားအတိုင်း မုသားမပါ လင်္ကာမချော ဆိုတဲ့စကားလို မုသားဟာ ဘယ်သူကိုမှ ထိခိုက်တာ မဟုတ်ဘဲ ကာယကံရှင် စိတ်ချမ်းသာရလေအောင် အားနာလို့ အမှန်မပြောဘဲ ကောင်းအောင် ကြည့်ပြောလိုက်ရတဲ့ အခြေအနေမျိုးလည်း ရှိတတ်ပါတယ်။ အဲဒီလို အခြေအနေမျိုးကို အီဒီယံအသုံးအရ white lie လို့ ပြောဆိုနိုင်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

She doesn’t look nice in red, but just to make her happy I told her a white lie.
သူက အနီရောင်ဝတ်စုံနဲ့ ကြည့်မကောင်းဘူး။ ဒါပေမဲ့ သူစိတ်ချမ်းသာအောင် ကျနော်က ကောင်းအောင်ကြည့်ပြောလိုက်ရတယ်။

အခုဆက်လက် တင်ပြပေးမယ့် အသုံးအနှုန်းမှာ အမဲကိုအခြေခံတဲ့ black sheep ဖြစ်ပါတယ်။ Black = အမဲရောင်, Sheep = သိုး တို့ဖြစ်ပြီး တိုက်ရိုက်အဓိပ္ပါယ်က အမဲရောင်သိုး ဖြစ်ပါတယ်။ သာမန်အားဖြင့် အဖြူရောင်ရှိတဲ့သိုးဟာ အမဲရောင်ဖြစ်နေတယ်ဆိုရင် သောတရှင်များ စဉ်းစားကြည့်နိုင်တာကတော့ အဖြူရောင် သိုးအုပ်ကြားမှာ အမဲရောင်သိုးက - မြန်မာစကားမှာ အမဲစက် ထင်နေသလို၊ မျက်စိ ပသာဒ ကို ပျက်စေသလို နေ့စဉ်ဘဝမှာလည်း တခုခု ချို့ ယွင်းနေတာကို ဆိုလိုတာဖြစ်ပါတယ်။ အထူးသဖြင့် မောင်နှမသားချင်းတွေထဲမှာ ဖောက်ဖျက်ပြီး မိသားစုရဲ့  အမည်ကို ပျက်စေခြင်း၊ ဆိုးပေတေတဲ့ မိသားစုဝင်တဦးကို ရည်ညွှန်းပြောဆိုတာ ဖြစ်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

Jerry is the black sheep in our family. He did not finish high school and is an alcoholic.
Jerry ဟာ ကျနော်တို့ မိသားစုမှာတော့ ဆိုးပေတေတဲ့ မိသားစုဝင်တယောက်ပါ။ အထက်တန်းကျောင်းလည်း မပြီးတဲ့အပြင် အရက်သမားလည်း ဖြစ်နေတယ်။

နောက်ဆုံးတင်ပြပေးမယ့် အသုံးအနှုန်းမှာ golden handshake ဖြစ်ပါတယ်။ Golden = ရွှေရောင်ရှိသော၊ ရွှေနဲ့ပြုလုပ်ထားသော, Handshake = လက်ဆွဲနှုတ်ဆက်သည် တို့ဖြစ်ပြီး စကားစုရဲ့  တိုက်ရိုက်အဓိပ္ပါယ်က ရွှေရောင်လက်စွဲနှုတ်ဆက်သည် ဖြစ်ပါတယ်။ ရွှေဆိုတဲ့ သတ္တုဟာ အများသိတဲ့အတိုင်း အဖိုးတန်တာကြောင့် ရွှေနဲ့တွဲသုံးတဲ့ ဝေါဟာရတွေဆိုလည်း တန်းဖိုးရှိတာကို တင်စားသုံးလေ့ရှိပါတယ်။ ဒီနေရာမှာ handshake က လက်ဆွဲနှုတ်ဆက်တာဆိုတော့ လက်ဆွဲနှုတ်ဆက်တဲ့ အနောက်တိုင်း အလေ့အကျင့်ကတော့ လူချင်းတွေ့ရင်ဖြစ်စေ၊ ဒါမှမဟုတ် ခွဲခွါရင်ဖြစ်စေ နှုတ်ဆက်တာကို အများအသိဖြစ်ပါလိမ့်မယ်။ ဒီနေရာမှာတော့ ခွဲခွါတာကို ရည်ညွှန်းတာ ဖြစ်ပါတယ်။ အထူးသဖြင့် အခြေအနေအရ အလုပ်ဖြုတ်ခံရတယ်။ အလုပ်ကနေစောပြီး အနားယူရတဲ့ အခြေအနေမျိုးမှာ အဲဒီလူကို ကျေနပ်အောင် လျှော်ကြေး ဒါမှမဟုတ် နစ်နာကြေးအဖြစ် မြတ်မြတ်လေး ပေးလိုက်ရတာကို ဆိုလိုခြင်း ဖြစ်ပါတယ်။ ဒါကြောင့်မို့ golden handshake ဆိုတဲ့ အီဒီယံအသုံးက အလုပ်ဖြုတ်ခံရလို့ဖြစ်စေ၊ စောစောစီးစီး အနားယူလိုက်ရလို့ အခြေအနေအရ နစ်နာကြေး တော်တော်လေးရလိုက်တာကို ဆိုလိုပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

The company gave the manager Mr. Smith one hundred thousand dollar golden handshake as an early retirement.  His company is streamlining.
အဲဒီ ကုမ္မဏီက မန်နေဂျာ Mr. Smith ကို စောစောအလုပ်ကနေ အနားယူခိုင်းလိုက်တော့ နစ်နာကြေး ဒေါ်လာ တစ်သိန်း ပေးလိုက်တယ်။ သူ့ကုမ္မဏီက လူတွေလျှော့ချနေတယ်။

By ဒေါ်လှလှသန်း
Ref: VOA

Read More

Back စကားလုံးဆိုင်ရာ အီဒီယံအသုံအနှုန်းများ

ဒီတပတ် အမေရိကန်စတိုင်လ် (American style) အစီအစဉ်မှာ on my back, get off my back, behind my back နဲ့ stab in the back စတဲ့ အီဒီယံအသုံးအနှုန်းများကို တင်ပြထားပါတယ်။

ပထမဦးဆုံး တင်ပြပေးမယ့် အီဒီယံအသုံးအနှုန်းမှာ on my back ဖြစ်ပါတယ်။ On =အပေါ်မှာ၊ My = ကျနော်ကျမရဲ့  ၊ Back = ကျော တို့ဖြစ်ပြီး စကားစုတစုလုံးရဲ့  တိုက်ရိုက်အဓိပ္ပါယ်က ကျနော်ကျမရဲ့  ကျောပေါ်မှာ ဖြစ်ပါတယ်။ ဒီအသုံးရဲ့  အီဒီယံအဓိပ္ပါယ်ကလည်း ရှင်းပါတယ်။ ကျနော်ကျမရဲ့  ကျောပေါ်မှာလို့ တင်စားပြောထားတော့ တချက်မှ အလွတ်မပေးဘူး။ ကိုယ့်နောက်ကနေ ဟိုဟာလုပ်၊ ဒီဟာလုပ်လိုက်။ ဟိုဟာ မပြီးသေးဘူးလား၊ ဒီဟာ မပြီးသေးဘူးလားဆိုပြီး အခိုင်းခံနေရတာကို ဆိုလိုတာဖြစ်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

My boss is on my back all the time. He keeps asking me to do things one after another.

ကျနော့် ဆရာသမားက ကျနော်ကို မပြတ်ဖိခိုင်းနေတော့တယ်။ အလုပ်ကို တခုပြီးတခု ဆက်ပြီးခိုင်းနေတော့တယ်။

ဆက်လက်တင်ပြပေးမယ့် အီဒီယံအသုံးမှာ get off my back ဖြစ်ပါတယ်။ ဒီအသုံးက စောစောက တင်ပြပေးခဲ့တဲ့ on my back တချက်လေးမှ အနားမပေးဘဲ အခိုင်းခံနေရတယ်ဆိုတဲ့ အသုံးနဲ့ ဆက်စပ်နေတယ်လို့ ဆိုရမှာပါ။ ဒီ အခြေအနေမျိုးမှာ ဆက်ပြီးသည်းမခံနိုင်တော့ဘူး။ ထပ်မခိုင်းပါနဲ့တော့။ တချက်တော့ နားခွင့်ပြုပါ။ ဒုက္ခမပေးသင့်တော့ပါဘူးဆိုရင် get off my back အီဒီယံအသုံးကို ရည်ညွှန်းသုံးနိုင်ပါတယ်။ Get ကို Off ဝိဘတ်နဲ့တွဲပြီး Get off = ဆင်းပါ၊ My = ကျနော်ကျမရဲ့ ၊ Back = နောက်ကျော တို့ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်က ကျနော်ကျမရဲ့  နောက်ကျောပေါ်က ဆင်းပေးပါ ဖြစ်ပါတယ်။ ကျောပေါ်မှာ ပိုးထားရတယ်ဆိုရင် ဘယ်လောက်စိတ်ဆင်းရဲမလဲ၊ ဘယ်လောက်တာဝန်ကြီးမလဲဆိုတာကို သောတရှင်များ စဉ်းစားကြည့်နိုင်ပါတယ်။ ဒါကြောင့် အီဒီယံအဓိပ္ပါယ်က စောစောကပြောခဲ့သလို လာပြီး အပူအပင်မတိုက်နဲ့၊ ထပ်မခိုင်းနဲ့ ဒုက္ခလာမပေးဘို့ စိတ်တိုလာပြီ သည်းမခံနိုင်တော့ဘူး စသဖြင့် ရည်ညွှန်းပြောတာ ဖြစ်ပါတယ်။ ကျမတို့ မြန်မာဘန်းစကားမှာတော့ လာပြီးဂျီမတိုက်နဲ့ လို့ ဆိုလိုတာဖြစ်ပါတယ်။ ဒီနေရာမှာ သတိပေးလိုတာက ကိုယ့်သူငယ်ချင်းက ကိုယ့်ကို နာပူနေတယ်ဆိုရင် get off my back ဆိုပြီး ခင်များ ဂျီလာမတိုက်နဲ့ ပြောလို့ရပေမယ့် ကိုယ့်ဆရာသမားဆိုရင်တော့ အဲဒီလို ပြန်ပြောမိရင် ရင့်သီးရာရောက်မှာမို့ စိတ်ထဲကပြောရင်ပြော၊ အသံတော့ မထွက်စေနဲ့လို့ သတိပေးပါရစေ။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

I feel like telling my boss to get off my back. He is always criticizing me, but if I do that I am afraid he would get angry with me.

ကျနော့်ဆရာသမားကို လာပြီး ဂျီမတိုက်နဲ့လို့ ပြောချင်လိုက်တာ။ သူက အမြဲ အပြစ်ပြောဆိုနေတာ။ ဒါပေမဲ့ အဲဒီလို ကျနော် ပြန်ပြောဖြစ်ရင် သူ စိတ်ဆိုးသွားမှာကို ကျနော် ကြောက်ရသေးတယ်။

Get off my back အစား leave me alone ဆိုပြီးတော့လည်း သုံးစွဲနိုင်ပါတယ်။ ဒီအသုံးအနှုန်းကတော့ ကိုယ့်ဘာသာကိုယ် နေပါရစေ၊ လာပြီးဒုက္ခမပေးပါနဲ့ ဖြစ်ပါတယ်။

ဆက်လက်တင်ပြပေးမယ့် back ကိုအခြေခံတဲ့ အီဒီယံအသုံးအနှုန်းမှာ behind my back ဖြစ်ပါတယ်။ Behind = အနောက်မှာ၊ My = ကျနော်ကျမရဲ့ ၊ Back = ကျောဘက် ဆိုတော့ စကားစုတခုလုံးရဲ့  တိုက်ရိုက်အဓိပ္ပါယ်က ကျနော်ကျမရဲ့  နောက်ကျောဘက်မှာ ဖြစ်ပါတယ်။ ဒီအသုံးရဲ့  အီဒီယံအဓိပ္ပါယ်က ရှင်းတယ်လို့ ဆိုရမှာပါ။ ကျမတို့ မြန်မာမှာတော့ နောက်ကွယ်ရာမှာ လုပ်တာကို ဆိုလိုပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

My mother told me never to do anything behind her back as I can get into trouble.

ကျနော့်အမေက ကျနော်ကိုပြောတယ် သူ့နောက်ကွယ်ရာမှာ ဘယ်တော့မှ ဘာမှမလုပ်နဲ့ဆိုတာပါ။ လုပ်ခဲ့ရင် ကျနော် ဒုက္ခရောက်နိုင်တယ်လို့ သူကပြောတယ်။

နောက်ဆုံးတင်ပြပေးမှာက stab in the back ဖြစ်ပါတယ်။ Stab = ဓါးနဲ့ထိုးသည်၊ In (နေရာညွှန်း ဝိဘတ်) the back = နောက်ကျော  ဆိုတော့ စကားစုတခုလုံးရဲ့  တိုက်ရိုက်အဓိပ္ပါယ်က နောက်ကျောကို ဓါးနဲ့ထိုးသည် ဖြစ်ပါတယ်။ ဒီအသုံး ကျမတို့မြန်မာမှာ ရှိတာကို အားလုံးအသိ ဖြစ်ပါလိမ့်မယ်။ ဒါကြောင့် အီဒီယံသွယ်ဝိုက် အဓိပ္ပါယ်ကို ရှည်ရှည်ဝေးဝေး ရှင်းပြစရာလိုမယ် မထင်ပါဘူး။ ကိုယ့်အချင်းချင်းပေါ်မှာ မကောင်းကြံတာ၊ ကိုယ်ယုံရတယ်လို့ ထင်ရတဲ့လူက ကိုယ့်အပေါ် သစ္စာဖောက်တာကို ပြောဆိုခြင်း ဖြစ်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

Don’t trust John. He has been known to stab people in the back.
  John ကိုတော့ စိတ်မချနဲ့ဗျ။ သူဟာ လူတွေကို နောက်ကျောဓါးနဲ့ ထိုးတတ်တဲ့လူလို့ လူသိများတယ်။

By ဒေါ်လှလှသန်း
Ref: VOA

Read More

Eyes ဆိုင်ရာ အီဒီယံအသုံးအနှုန်းများ

ဒီသတင်းပတ် eyes ကို အခြေခံပြီး တင်ပြပေးထားတဲ့ အီဒီယံအသုံးအနှုန်းများမှာ catch one’s eye, set eyes on, see eye to eye နဲ့ keep an eye on တို့ ဖြစ်ကြပါတယ်။

ပထမဦးဆုံး အီဒီယံအသုံးအနှုန်းမှာ catch one’s eye ဖြစ်ပါတယ်။ Catch = ဖမ်းသည်၊ အမိအရ ဖြစ်စေသည်, One’s = တဦးတယောက်၏, Eye = မျက်စိ၊ မျက်လုံး ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က လူတဦးတယောက်၏ မျက်စိကို ဖမ်းသည် ဖြစ်ပါတယ်။ ဒီနေရာမှာ အီဒီယံအဓိပ္ပါယ်က လူတဦးတယောက်ကို သတိထားမိအောင် ပြုလုပ်တာ၊သူ့ရဲ့  အာရုံကို ရစေတာ၊ ဂရုစိုက်အောင် ပြုလုပ်တာ၊ မျက်စိကျစေတာကို ဆိုလိုတာ ဖြစ်ပါတယ်။

ဒီ အသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

Out of the many guests attending the event, Mary caught John’s eyes as she was wearing a bright red dress.

အခမ်းအနားကို တက်ရောက်ခဲ့တဲ့ ဧည်သည်အများကြီးအနက် Mary ကို John သတိထားမိလိုက်တယ်။ သူမက အနီရောင်တောက်တောက် ဝတ်စုံကို ဝတ်ဆင်ထားတယ်။

ဆက်လက်တင်ပြပေးမယ့် အီဒီယံအသုံးက set eyes on ဖြစ်ပါတယ်။ Set = ဝေါဟာရ အဓိပ္ပါယ်ကို အပေါ်မှာလို့ အဓိပ္ပါယ်ရတဲ့ on နဲ့တွဲပြီး set on က တခုခုပေါ်မှာ နေရာယူထားတာ၊ နေရာချထားတာ ဖြစ်ပါတယ်။ Eyes = မျက်စိ ဆိုတော့ စကားစုတခုလုံးရဲ့  တိုက်ရိုက်အဓိပ္ပါယ်က မျက်စိကို တနေရာရာမှာ ချထားတာ ဖြစ်ပါတယ်။ အီဒီယံအဓိပ္ပါယ်ကလည်း ရှင်းပါတယ်။ မျက်စိက ပထမဦးဆုံး သွားမြင်တာ၊ မြင်ကွင်းထဲကို ရောက်လာတာ၊ မြင်မြင်ချင်း ဖြစ်ပါတယ်။

ဒီ အသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

I knew when I set my eyes on her that she will be the person I’m going to marry.

ကျနော် သူကိုမြင်မြင်ချင်းပဲ သိလိုက်တာက သူဟာ ကျနော် လက်ထပ်မယ့်လူ (အမျိုးသမီး) ဆိုတာပါ။

အခုဆက်လက် တင်ပြပေးမှာက see eye to eye ဖြစ်ပါတယ်။ See = မြင်သည်၊ Eye = မျက်စိ၊ To = သို့ ဆိုတော့ စကားစုတခုလုံးရဲ့  တိုက်ရိုက်အဓိပ္ပါယ်က လူတဦး မျက်စိကနေ နောက်တဦး မျက်စိကို မြင်သည် ဖြစ်ပါတယ်။ ဒီအသုံးရဲ့  အီဒီယံအဓိပ္ပါယ်က သူမြင်သလို ကိုယ်လည်းမြင်တာ၊ သဘောချင်း တိုက်ဆိုင်တာ၊ အမြင်ချင်း တူညီတာကို ဆိုလိုတာ ဖြစ်ပါတယ်။

ဒီ အသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

My brother and I see eye to eye on politics. We both support the same political party.

ကျနော်နဲ့ ကျနော့်ညီတို့ နိုင်ငံရေးမှာ အမြင်ချင်း တူကြတယ်။ နိုင်ငံရေးပါတီတခုတည်းကို ထောက်ခံအားပေးကြတယ်။

နောက်ဆုံးတင်ပြပေးမယ့် အီဒီယံအသုံးအနှုန်းမှာ keep an eye on ဖြစ်ပါတယ်။ Keep = တနေရာရာမှာ ထားသည်။ An = တခု၊  Eye = မျက်စိ၊ On = အပေါ်မှာ ဆိုတော့ စကားစုတခုလုံးရဲ့  တိုက်ရိုက်အဓိပ္ပါယ်က မျက်စိကို တခုခုပေါ်မှာ အာရုံထားသည် ဖြစ်ပါတယ်။ အီဒီယံအသုံးကလည်း အလားတူလို့ ဆိုနိုင်ပါတယ်။ တခုခု နောက် လူတဦးဦးကို စောင့်ကြည့်နေတာ၊ မျက်ခြေမပျက် ကြည့်နေတာ၊ တခုခုအတွက် စိုးရိမ်လို့ ဂရုစိုက် ကြည့်နေတာကို ဆိုလိုပါတယ်။

ဒီ အသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

I have to keep an eye on my father as he is 80 years old and has poor health.

ကျနော်က ကျနော့်အဖေကို ဂရုစိုက်ပြီး ကြည့်နေရတယ်။ သူက အသက် (၈၀) ရှိပြီ၊ ကျန်းမာရေးလည်း မကောင်းဘူး။

Ref : VOA LearnEnglish

By Ni Ni Mar

Myanmar Network 

Read More

Wood အီဒီယံ အသုံးအနှုန်းများ

ဒီသတင်းပတ် English Learning: America Idioms and Expressions ကဏ္ဍမှာ knock on wood (touch wood),  dead wood, Not out of the woods နဲ့ can’t see the wood (forest) for the trees တို့ကို တင်ပြထားပါတယ်

ပထမဦးဆုံး တင်ပြပေးမယ့် အီဒီယံအသုံးအနှုန်းမှာ knock on wood ဖြစ်ပါတယ်။ Knock = ခေါက်သည်။ On = အပေါ်မှာ။ Wood = သစ်သား တို့ ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်မှာ သစ်သားပေါ်ကို ခေါက်သည် ဖြစ်ပါတယ်။ ဒီအသုံးက အယူသီးမှုကနေ ဆင်းသက်လာတယ်လို့ ဆိုရမှာပါ။ ရှေးအခါက အိုင်ယာလန် (Irelands) ရဲ့  ထုံးတမ်းအစဉ်အလာတရပ်က သစ်ပင်တွေဟာ နတ်စောင့်၊ အစောင့်အရှောက်ရှိတယ်လို့ ယုံကြည်ပြီး ကံဆိုးတာကို ကာကွယ်ရနိုင်အောင်။ ဒါမှမဟုတ် ကံကောင်းစေဖို့အတွက် သစ်သားကို လက်ဆစ်နဲ့ခေါက်ပြီးတော့ တချိန်တည်းမှာ ပါးစပ်ကနေ ကံကောင်းပါစေလို့ ပြောတဲ့အလေ့အကျင့်ကနေ ဆင်းသက်လာတယ်လို့ ဆိုကြပါတယ်။

အမေရိကန်မှာ knock on wood သုံးပြီး ဗြိတိန်မှာတော့ touch wood လို့ ပြောဆိုပါတယ်။ ဆိုလိုတာက သစ်သားကို လက်နဲ့ထိပြီး ဆိုးတဲ့ကံပျောက် ကောင်းတဲ့ကံ ရောက်စေဖို့၊ ကျမတို့မြန်မာမှာတော့ ယတြာသဘော ပြုလုပ်တာမျိုး ဖြစ်ပါတယ်။ နောက် အယူအဆတခုကတော့ ခရစ်တော်ယေရှူရဲ့  လက်ဝါးကပ်တိုင်ကို သစ်သားနဲ့ ပြုလုပ်ထားတာကြောင့် သစ်သားကိုထိရင်၊ ခေါက်ရင် ကံကောင်းတယ်ဆိုတဲ့ အယူအဆကနေ ဆင်းသက်လာတယ်လို့ ဆိုပါတယ်။ တခါတရံလည်း ကံကောင်းနေတဲ့ လူတဦးက ဆက်ကံကောင်းပါစေလို့ ဆုတောင်းရာမှာ ကာယကံရှင်က touch wood ဒါမှမဟုတ် knock on wood လို့ ပါးစပ်မှပြောပြီး တချိန်တည်းမှာ သစ်သားကို လက်ဆစ်နဲ့ ခေါက်တာ၊ ထိတာ၊ ပုတ်ပြီး ပြောတာကနေ ဒီအသုံး ဆင်းသက်လာတာ ဖြစ်ပါတယ်။

ဒါကြောင့် ဒီအသုံးရဲ့  အီဒီယံအဓိပ္ပါယ်က ကိုယ့်အတွက် ကံကောင်းပါစေ။ ကံဆိုးတာတွေ မဖြစ်ပါစေနဲ့လို့ ရည်ညွှန်းတာ ဖြစ်ပါတယ်။

ဒီအသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

Our company facing hard time I am knocking on wood so that I won’t lose my job.

ကျနော်တို့ ကုမ္မဏီက အခက်အခဲ၊ အကြပ်အတည်းတွေနဲ့ ရင်ဆိုင်နေရတော့ ကျနော်လည်း အလုပ်မပြုတ်ပါစေနဲ့လို့ ကံကောင်းဖို့ ဆုတောင်းနေရတယ်။

ဒုတိယ တင်ပြပေးမယ့် အီဒီယံအသုံးမှာ dead wood ဖြစ်ပါတယ်။ Dead = သေသည်၊ အသက်မရှိလို့ သာမန်အားဖြင့် အဓိပ္ပါယ်ရပေမယ့် Wood = သစ်သား ဖြစ်ပြီး dead wood ကတော့ သစ်ဆွေးကို ခေါ်ခြင်းဖြစ်ပါတယ်။ သစ်ဆွေးလို့ ကြားလိုက်တာနဲ့ ဆွေးနေတဲ့ သစ်ဟာ သုံးမရတော့ဘူးလို့ အများ နားလည်းကြမှာပါ။ ဒါကြောင့် dead wood ရဲ့  အီဒီယံအသုံးက အလုပ်မဖြစ်တော့တဲ့၊ သုံးလို့မရတော့တဲ့ တနည်းအားဖြင့် မြန်မာစကားမှာတော့ ဆန်ကုန်မြေလေး ဖြစ်တဲ့လူတွေကို ရည်ညွှန်းပြောဆိုခြင်း ဖြစ်ပါတယ်။ အထူးသဖြင့် လုပ်ငန်းခွင်တွေမှာပေါ့။

ဒီအသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

Since our team will be working with a new technology, I must admit we will have to get rid of some of dead wood.

ကျနော်တို့အသင်းက နည်းပညာအသစ်ကို သုံးပြီး အလုပ်လုပ်ကြတော့မှာဆိုတော့ ကျနော်တို့အဖွဲ့မှာ ဒီနည်းသစ်ကို မသိရှိကြတဲ့ သုံးလို့မရတဲ့လူတွေကိုတော့ ကျနော် ထုတ်ပြစ်ရမှာ ဖြစ်တယ်ဆိုတာကို ဝန်ခံရလိမ့်မယ်။

နောက်ထပ် တင်ပြပေးမယ့် အီဒီယံအသုံးမှာ Not out of the woods ဖြစ်ပါတယ်။ Not = မဟုတ်သဘောကို ပြသည်။ Out of = အပြင်ဖက်ကို ရောက်ရှိသည်။ Woods = သစ်တောများ ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က သစ်တောထဲက မထွက်နိုင်သေးတာ၊ သစ်တောရဲ့  အပြင်ကို မရောက်သေးတာ ဖြစ်ပါတယ်။ သစ်တောဆိုတာက ဒီနေရာမှာ အခက်အခဲ၊ ဆူးညှောင့်ခလုပ် ပြဿနာတွေကို ရည်ညွှန်းတာ ဖြစ်ပါတယ်။ ဒါကြောင့် နေ့စဉ်အသုံးမှာ not out of the woods က အခက်အခဲတွေနဲ့ ရင်ဆိုင်နေရတဲ့ လူတဦးအနေနဲ့ အခြေအနေမှန် နည်းနည်းကောင်းလာတယ် ဆိုရပေမယ့် လုံးဝတော့ အခက်အခဲတွေကနေ မကျော်လွန်နိုင်သေးတာကို ဆိုလိုတာ ဖြစ်ပါတယ်။
ဥပမာ လူနာတဦး အသဲအသန် ဖြစ်နေရကနေ အသက်အန္တရာယ် စိုးရိမ်ရလောက်တဲ့ အခြေအနေမှာ မရှိတော့ပေမယ့် လုံးဝတော့ စိတ်မချရသေးတဲ့ အခြေအနေဆိုရင် not out of the woods လို့ ရည်ညွှန်းပြောဆိုနိုင်ပါတယ်။

ဒီအသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

Our business is getting better. But, we are not out of the woods yet.

ကျနော်တို့ စီးပွားရေးလုပ်ငန်း နည်းနည်းကောင်းလာပြီလို့ ဆိုရပေမယ့် လုံးဝတော့ စိတ်မချရသေးပါဘူး။

နောက်ဆုံးတင်ပြပေးမယ့် အီဒီယံအသုံးမှာ can’t see the wood for the trees ဖြစ်ပါတယ်။ အမေရိကန်အသုံးအရတော့ wood အစား forest ဆိုပြီး can’t see the forest for the trees လို့လည်း အသုံးပြုကြပါတယ်။ Can’t (cannot) = မလုပ်နိုင်သည်။ See = မြင်သည်။ the Wood = သစ်တော။ For = အတွက် နဲ့ the Trees = သစ်ပင်များ ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က သစ်ပင်တွေကြောင့် သစ်တောကို မမြင်နိုင်တာ ဖြစ်ပါတယ်။ ဒီအသုံးရဲ့  အီဒီယံအဓိပ္ပါယ်က သစ်ပင်တွေကို အသေးစိတ် အချက်အလက်တွေနဲ့ တင်စားပြောထားတာဖြစ်လို့ အသေးစိတ် အချက်အလက်တွေကို သိပ်ဦးစားပေးလွန်ရင် အခြေအနေတခုလုံးကိုခြုံပြီး ဘာကအရေးကြီးတယ်၊ ဘာကို ဦးစားပေးရမယ်ဆိုတာကို နားလည်းသဘောမပေါက်နိုင်တာကို ဆိုလိုတာ ဖြစ်ပါတယ်။

ဒီအသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

Mary can’t see the wood for the trees as she is too involved in details. She will have to change her way of thinking.

Mary က အသေးစိတ် အချက်အလက်တွေကို သိပ်ဦးစားပေး စဉ်းစားတော့ ဘာက အရေးကြီးတယ်၊ ဘာကို ဦးစားပေးရမယ်ဆိုတာကို သူနားမလည်းနိုင်ဘူးလေ။ ဒါကြောင့် သူ့အမြင်ကို ပြောင်းမှဖြစ်မယ်။

Ref : VOA LearnEnglish

By Ni Ni Mar

Myanmar Network 

Read More

Black & White အီဒီယံ အသုံးအနှုန်းများ

ဒီသတင်းပတ် English Learning: America Idioms and Expressions ကဏ္ဍမှာ black sheep, black eye, white lie နဲ့ white wash စတဲ့ အီဒီယံ အသုံးအနှုန်းများကို တင်ပြပေးထားပါတယ်။

အဖြူ (ရောင်) ဟာ သန့်စင်မှု၊ မွန်မြတ်မှုဆိုတဲ့ သဘောကိုဆောင်ပြီး၊ အမဲ (ရောင်) ကတော့ ရက်စက်မှု၊ အမင်္ဂလာ သဘောဆောင်တယ်လို့ အစဉ်အလာအားဖြင့် ယူဆခဲ့ကြတာ ဖြစ်ပါတယ်။

ဒီတပတ် အမဲ (ရောင်) နဲ့ ပတ်သက်ပြီး ပထမဦးဆုံးတင်ပြမယ့် အီဒီယံ အသုံးအနှုန်းက black sheep ဖြစ်ပါတယ်။ Black = အမဲရောင်၊ Sheep = သိုး (တိရစ္ဆာန်)  ဆိုတော့ လုံးကောက်အဓိပ္ပါယ်က အမဲရောင်သိုး ဖြစ်ပါတယ်။ အီဒီယံ အသုံးအနှုန်းကတော့ အသုံးမကျတဲ့လူ၊ မျက်နှာအိုးမဲ သုတ်တဲ့လူ၊ အရှက်ခွဲတဲ့လူ လို့ ဆိုလိုပါတယ်။ အထူးသဖြင့် ဆွေမျိုးဂုဏ်၊ မိဘမောင်နှမ အသိုင်းအဝိုင်းဂုဏ်ကို ဖျက်ဆီးသူကို ပြောဆိုခေါ်ဆိုကြပါတယ်။ ဒီအသုံးအနှုန်းက sheep ဆိုတဲ့ အဖြူရောင်ရှိတဲ့ သိုးတွေကြားမှာ အမဲရောင် တကောင်ပါနေတယ်ဆိုရင် အဖြူရောင်သိုးအုပ်ရဲ့  အလှကို အစွန်းထင်စေတဲ့ အမဲစက် သဘောဖြစ်ပါတယ်။

ဒီအသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

"Uncle Joe is the black sheep in the family. Instead of getting a job, all he does is drink too much, gamble away any money he gets and chases after women."

"ဦးလေး Joe ဟာ မိသားစုရဲ့  ဂုဏ်သိက္ခာကို ထိခိုက်စေတဲ့လူပါပဲဗျာ။ အလုပ်ရှာမဲ့အစား အရက်တွေဖိသောက်၊ ရသမျှ ပိုက်ဆံကို လောင်းကစား လုပ်ပစ်တဲ့အပြင် မိန်းမလည်း အရမ်းရှုပ်သေးတယ်။"

Black နဲ့ ပတ်သက်ပြီး ဒုတိယတင်ပြပေးမဲ့ အသုံးအနှုန်းက black eye ဖြစ်ပါတယ်။ Black = အမဲရောင်၊ Eye = မျက်လုံး ဆိုတော့ အမဲရောင်မျက်လုံး လို့ လုံးကောက် ဘာသာပြန်နိုင်ပါတယ်။ အချင်းချင်း ထိုးကြိတ်ကြလို့ဖြစ်စေ၊ မတော်တစ ထိခိုက်မိလို့ဖြစ်စေ မျက်ကွင်းညိုသွားတဲ့သဘော ဖြစ်ပါတယ်။ အီဒီယံသွယ်ဝှိက် အဓိပ္ပါယ်ကတော့ လူ့အဖွဲ့အစည်းတရပ်ကို ဂုဏ်သိက္ခာပျက်စေတာ၊ အရှက်တရားရစေတဲ့ သဘောဆောင်ပါတယ်။ ကျမတို့ မြန်မာမှာလည်း အမဲစက်ထင်စေတယ်၊ အစွန်းထင်စေတယ် ဆိုတဲ့ အသုံးအနှုန်းကို သော်တာရှင်များ သိမှာဖြစ်ပါတယ်။

ဒီအသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

"When the newspaper found out the highway commissioner was taking a bribe from paving contractors, it gave a black eye to the whole city government."

"အဝေးပြေးလမ်းမ ဖောက်လုပ်ရေးဌာနမင်းကြီးက လမ်းခင်း ကန်ထရိုက်တာ (contractor) တွေဆီက လာဘ်စားတဲ့အကြောင်းကို သတင်းစာက သိသွားတော့ မြို့ တော် အုပ်ချုပ်ရေးတခုလုံး အမဲစက်ထင် သွားစေခဲ့တယ်။"

အမဲနဲ့ ပတ်သက်တာတင်ပြပြီးနောက် အဖြူရောင်နဲ့ ပတ်သက်တဲ့ အီဒီယံအသုံးအနှုန်းတွေကို တင်ပြပေးပါမယ်။

ပထမအသုံးအနှုန်းက white lie ဖြစ်ပါတယ်။ White = အဖြူရောင်၊  Lie = လိမ်လည်တာ၊ မုသားဝါဒ ဆိုတော့ အဖြူရောင် မုသားဝါဒ လိမ်လည်မှုလို့ တိုိက်ရိုက်ဘာသာပြန်နိုင်ပါတယ်။ အီဒီယံအဓိပ္ပါယ်မှာတော့ မုသားဝါဒ စကားကတော့ မှန်ပါရဲ့  ဒါပေမဲ့ တဖက်လူ စိတ်မကောင်းမဖြစ်စေချင်လို့ သွယ်ဝှိက်ပြီး ကြည့်ပြောလိုက်တဲ့ သဘောမျိုးဖြစ်ပါတယ်။ ကျမတို့ မြန်မာမှာ မုသားမပါ လင်္ကာမချောဆိုတဲ့ သဘောမျိုး ဖြစ်ပါတယ်။

ဒီအသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

"I told a white lie when I told Jenny her boyfriend was good looking. The truth is he just about the ugliest man I have ever seen."

"Jenny အဆက် ကောင်ကလေးဟာ လူချောကလေးလို့ ပြောလိုက်တာ မုသားမပါ လင်္ကာမချော ပြောလိုက်တဲ့သဘောပါ။ တကယ့်တော့ ဒီကောင်ကလေးဟာ ကျနော်တွေ့ဘူးတဲ့ လူတွေထဲမှာ ရုပ်အဆိုးဆုံး လူတယောက်ဖြစ်တယ်။"

White နဲ့ ပတ်သက်ပြီး ဒုတိယတင်ပြပေမယ့် အီဒီယံအသုံးကတော့ white wash ဖြစ်ပါတယ်။ အဖြူ (white) က သာမန်အားဖြင့်တော့ မင်္ဂလာသတင်းဆောင်ပေးမယ့်လို့လည်း ဒီနေရာမှာတော့ အပြုသဘော မဆောင်ပါဘူး။ White = အဖြူ၊ Wash = လျှော်ဖွတ်သည် ဆိုတော့ အဖြူ လျှော်ဖွတ်ခြင်း လို့ တိုက်ရိုက်ပြန်ဆိုနိုင်ပါတယ်။ ဒါပေမဲ့ အီဒီယံအသုံးကတော့ ကျမတို့ မြန်မာမှာ နံရံကို ထုံးသုတ်တဲ့ သဘော ဖြစ်ပါတယ်။ အမှားတွေ၊ အစွန်းတွေ မမြင်ရအောင် ဖုံးဖိတဲ့ အပေါ်ယံ ရွှေမှုံကြဲတဲ့သဘော ဖြစ်ပါတယ်။

ဒီအသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

"The official report on the train incident was nothing, but a white wash. They didn't try to find out who was to blame."

"ရထားတိုက်မှုနဲ့ ပတ်သက်ပြီး တရားဝင်ထုတ်ပြန်တဲ့ အစီရင်ခံစာဟာ တကယ်တော့ ဟန်ပြအစီရင်ခံစာသာ ဖြစ်ပါတယ်။ တကယ်တော့ ဘယ်သူမှာ အပြစ်ရှိတယ်ဆိုတာကို ဖော်ထုတ်ဖို့ ကြိုးပမ်းလုပ်ဆောင်ခြင်း မရှိကြဘူး။"

Ref : VoA LearnEnglish

By Ni Ni Mar

Myanmar Network 

Read More

Heart စကားလုံးဆိုင်ရာ အီဒီယံအသုံးအနှုန်းများ

ဒီသတင်းတပတ် English Learning: America Idioms and Expressions ကဏ္ဍမှာ Heart - အသဲနှလုံး စကားလုံးဝေါဟာရကို အခြေခံတဲ့ heart and soul, eat your heart out နဲ့ lose heart အီဒီယံအသုံးအနှုန်းများကို တင်ပြပေးထားပါတယ်။
ပထမဦးဆုံး တင်ပြပေးမယ့် အီဒီယံအသုံးအနှုန်းများမှာ heart and soul  ဖြစ်ပါတယ်။ Heart = အသဲနှလုံး၊ Soul = အသက်ဝိညာဉ် ဖြစ်ပြီး တိုက်ရိုက်အဓိပ္ပါယ်ကတော့ အသဲနှလုံးနဲ့ ဝိညာဉ် ဖြစ်ပါတယ်။ အီဒီယံသွယ်ဝိုက် အဓိပ္ပါယ်ကတော့ ဒီနေရာမှာ အသဲရော၊ အသက်ရော ဆိုတော့ နှစ်နှစ်ကာကာ ရာနှုန်းပြည့်ခံစားချက် ဒါမှမဟုတ် အခါရာ အကျဆုံးကို ရည်ညွှန်းပြောဆိုတာ ဖြစ်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

Mr. and Mrs. Smiths just celebrated their golden wedding anniversary. They are happily married and loved each other with heart and soul.

Mr. နဲ့ Mrs. Smiths တို့နှစ်ယောက် သူတို့ ရွှေရတုမင်္ဂလာပွဲကို မကြာမီကပဲ ဆင်နွှဲခဲ့ကြတယ်။ သူတို့ အိမ်ထောင်ရေးကလည်း စိတ်ချမ်းသာစရာ ဖြစ်သလို တဦးပေါ်တဦးလည်း အသက်တမျှ ချစ်ကြတယ်။

ဒုတိယတင်ပြပေးမယ့် အီဒီယံအသုံးအနှုန်းမှာ eat your heart out ဖြစ်ပါတယ်။ Eat = စားသည်။ Your = သင်၏၊ Heart = အသဲနှလုံး၊ Out = ကြိယာဝိသေသန (adverb) က အဓိပ္ပါယ်အမျိုးမျိုး ရှိပါတယ်။ ဒီနေရာမှာတော့ ကုန်ခမ်းသွားတယ် ဖြစ်ပါတယ်။ ဒါကြောင့် စကားစုတခုလုံးရဲ့  တိုက်ရိုက်အဓိပ္ပါယ်က အသဲကို ကုန်သွားအောင် စားပစ်လိုက်သည် ဖြစ်ပါတယ်။ အီဒီယံဆိုတဲ့ သွယ်ဝိုက်အဓိပ္ပါယ်ကတော့ စိတ်ထဲမှာ နာနာကျည်းကျည်း ခံစားရတာ၊ ဝမ်းနည်းကြေကွဲလွန်လို့၊ မနာလို သဝန်တိုစိတ် ရှိလွန်လို့၊ မရနိုင်တာကို ဆွေးတမြေ့မြေ့နဲ့ ခံစားရတာမျိုး စသည်ဖြင့် အခြေအနေအလိုက် အသုံးပြုနိုင်ပါတယ်။ တခါတရံလည်း လူတဦးဦးကို မခံမရပ်ဖြစ်အောင် ပြောတဲ့နေရာမှာလည်း ပြောဆိုနိုင်ပါတယ်။ မင်းမနာလိုဖြစ်ရင်လည်း ဖြစ်ပေါ့ဆိုတဲ့ သဘောမျိုးဖြစ်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

Eat your heart out my friend. Our team won the first prize.

မင်းမခံချင်အောင် ငါ ပြောရအုန်းမယ် သူငယ်ချင်းရေ - ငါတို့အသင်းက ပထမဆု ရရှိတယ်။

Eat your heart out ကို မခံချိမခံသာဖြစ်၊ စိတ်ဆင်းရဲဖြစ်တဲ့ အနေအထားမျိုးနဲ့ Geoge Crows ပေးတဲ့ ဥပမာတခုကို လေ့လာကြည့်ရအောင်ပါ။

Spain beat the Netherlands one to nothing during the 2010 FIFA World Cup leaving the Netherlands team members eating their hearts out.

၂၀၁၀ ဖီဖာ ကမ္ဘာ့ဘောလုံးပွဲမှာ နယ်သာလန်အသင်းကို စပိန်အသင်း က တစ်ဂိုး ဂိုးမရှိနဲ့ အနိုင်ရလိုက်တော့ နယ်သာလန်ဘောလုံးအသင်းသားတွေ စိတ်ပျက်ကျန်ခဲ့ကြတယ်။

နောက်ဆုံးတင်ပြပေးမယ့် အီဒီယံအသုံးအနှုန်းမှာ Lose heart ဖြစ်ပါတယ်။ Lose = ဆုံးရှုံးသည်၊ Heart = အသဲနှလုံး တို့ ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်က အသဲနှလုံး ဆုံးရှုံးခြင်း ဖြစ်ပါတယ်။ အီဒီယံအဓိပ္ပါယ်ကတော့ heart ကို ဒီနေရာမှာ စိတ်ဓါတ်အဖြစ်၊ သတ္တိအဖြစ် ရည်ညွှန်းသုံးထားတာ ဖြစ်တဲ့အတွက်ကြောင့် lose heart က စိတ်ဓါတ်ကျတာ၊ အားလျော့တာ၊ အားမရှိတာ၊ ယုံကြည်စိတ်ချမှု လျော့နည်းလာတာ စသဖြင့်ကို ဆိုလိုတာ ဖြစ်ပါတယ်။
အလုပ်က ဖြုတ်ခံရတဲ့လူတဦးကို အားပေးတဲ့ George Crows ပေးတဲ့ ဥပမာကို လေ့လာကြည့်ရအောင်ပါ။

Please don’t lose heart. Keep trying. There will be other chances to get a better job.

မင်းစိတ်ဓါတ် မကျပါနဲ့ကွာ။ ဆက်လက်ကြိုးစားပါ။ ပိုကောင်းတဲ့အလုပ်ရဖို့ တခြားအခွင့်အလမ်းတွေလည်း ပေါ်လာမှာပါ။

Lose heart ဝေါဟာရကြားမှာ your ကို ထည့်ပြီး lose your heart ဆိုပြီးသုံးရင် အဓိပ္ပါယ်က ပြောင်းသွားပါတယ်။ တဦးဦးအပေါ်မှာ မေတ္တာရှိတာ၊ တခုခုကို ခုံမင်နှစ်သက်တာကို ဆိုလိုပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

I lost my heart to Mary ten years ago when I saw her at a party. We soon got married and now we have three kids.

လွန်ခဲ့တဲ့ ဆယ်နှစ်က Mary ကို ကျနော် ပါတီတခုမှာ တွေ့လိုက်ချိန်မှာ သူ့အပေါ် မေတ္တာရှိ ချစ်ကြိုက်မိခဲ့တယ်။ မကြာခင် ကျနော်တို့ လက်ထပ်လိုက်ကြပြီး အခုဆို သားသမီး သုံးယောက်တောင် ရလာခဲ့ပြီ။

Ref : VOA LearnEnglish

By Ni Ni Mar

Myanmar Network 

Read More

လက်မြှောက်အရှုံးပေးခြင်း အီဒီယံ စကားလုံးများ

ဒီနှစ် နိုဝင်ဘာလမှာ ကျင်းပဖို့ စီစဉ်ထားတဲ့ သမ္မတရွေးကောက်ပွဲကို ဦးတည်ပြီး လက်ရှိ ရီပတ်ဘလင်ကန်ပါတီ (Republican Party) က သမ္မတကိုယ်စားလှယ်လောင်း ပဏာမ ရွေးကောက်ပွဲတွေကို တဆင့်ပြီးတဆင့် ကျင်းပခဲ့ရာမှာ ကိုယ်စားလှယ်လောင်းဖြစ်ဖို့ ကြိုးစားခဲ့ကြသူတချို့ လည်း လက်မြှောက်အရှုံးပေးခဲပြီး ယှဉ်ပြိုင်ပွဲကနေ နုတ်ထွက်သွားခဲ့ကြပါပြီ။

 ဒါကြောင့်လည်း လက်မြှောက်အရှုံးပေးတဲ့ အခြေအနေနဲ့ ပတ်သက်တဲ့ final curtain call, throw in the towel နဲ့ the last hurrah စတဲ့ အီဒီယံအသုံးအနှုန်းများကို ဒီတပတ် တင်ပြပေးသွားပါမည်။

ပထမဦးဆုံး တင်ပြပေးမယ့် အီဒီယံအသုံးအနှုန်းမှာ final curtain call ဖြစ်ပါတယ်။ Final = နောက်ဆုံး, Curtain = ကန့်လန့်ကာ (ခန်းဆီး) , Call = ခေါ်သည်။ ဒီနေရာမှာ curtain call က ကန့်လန့်ကာ ကျလာသည် လို့ အဓိပ္ပါယ်ရပြီး စကားစုတခုလုံးရဲ့  တိုက်ရိုက်အဓိပ္ပါယ်က နောက်ဆုံး ကန့်လန့်ကာ ကျလာသည် ဖြစ်ပါတယ်။ ဖျော်ဖြေပွဲတွေမှာ ကန့်လန့်ကာ ကျလာပြီဆိုရင် အနုပညာသမားကို ပွဲကြည့်ပရိသတ်က သြဘာပေးချင်တဲ့အခါ အနုပညာသမားက ကန့်လန့်ကာရှေ့ မှာ ထွက်ပြီးတော့ ပရိသတ်ရဲ့  သြဘာကို ခံယူလေ့ရှိပါတယ်။ အဲဒါကို curtain call လို့ ခေါ်ပါတယ်။ ဒီနေရာမှာ final curtain call ဆိုတာကတော့ သူ့အတွက်ကတော့ နောက်ဆုံး ပရိသတ်နဲ့ နူတ်ဆက်တဲ့ သဘောမျိုး ဖြစ်ပါတယ်။ အီဒီယံအသုံးကတော့ ရှင်းပါတယ်။ နေ့စဉ်ဘဝမှာ လူတဦးရဲ့  ကြိုးပမ်းလုပ်ဆောင်မှု၊ စွမ်းဆောင်မှုက အဆုံးသတ်သွားပြီဆိုရင် သူ့အတွက်ကတော့ the final curtain call လို့ ရည်ညွန်းပြောတာ ဖြစ်ပါတယ်။ ကျမတို့ မြန်မာစကားမှာတော့ ပွဲပြီးလို့ ဖျာလိပ်တဲ့သဘော ဖြစ်ပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ကြရအောင်။

This election will be the final curtain call for our Mayor. His approval rating has gone down sharply because of his corruption scandal.

ဒီရွေးကောက်ပွဲကတော့ ကျနော်တို့ မြို့ တော်ဝန်အတွက် ပွဲပြီးမယ့် အခြေအနေပါ။ သူ့ရဲ့  အဂတိလိုက်စားမှု အရှုပ်တော်ပုံကြောင့် သူ့အပေါ် လူထုရဲ့  ထောက်ခံမှုနှုန်းက သိသိသာသာကြီး ကျဆင်းသွားခဲ့တယ်။

နောက်ထပ် တင်ပြပေးမယ့် အီဒီယံစကားလုံးမှာ throw in the towel ဖြစ်ပါတယ်။ Throw = ပစ်သည်။ In = အတွင်းဘက်သို့။ Throw in = အတွင်းဘက်ကို ပစ်သွင်းလိုက်သည်။ the Towel = မျက်နှာသုတ်ပဝါ ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်က မျက်နှာသုတ်ပဝါကို အတွင်းဘက်သို့ ပစ်သွင်းလိုက်သည် ဖြစ်ပါတယ်။ အီဒီယံ အဓိပ္ပါယ်ကို မရှင်းပြခင် ဒီ အသုံးဟာ အားကစားကဏ္ဍဖြစ်တဲ့ လက်ဝှေ့ပွဲက ဆင်းသက်လာတယ်ဆိုတာကို ရှင်းပြလိုပါတယ်။ လက်ဝှေ့ထိုးရာမှာ ချွေးသုတ်ဖို့ မျက်နှာသုတ်ပဝါတွေကို လက်ဝှေ့သမားတွေက ပခုံးပေါ်မှာတင်ပြီး ချွေးသုတ်ကြတာကို တွေ့ဘူးကြပါလိမ့်မယ်။ လက်ဝှေ့သမားတဦးအနေနဲ့ ဒီပြိုင်ပွဲကို ဆက်မထိုးနိုင်တော့ဘူးဆိုတဲ့ အရိပ်လက္ခဏာကို ပြချင်တယ်ဆိုရင် လက်ဝှေ့ကြိုးဝိုင်းတွင်းကို သူ့ မျက်နှာသုတ်ပဝါကို ပစ်ချလိုက်ခြင်းအားဖြင့် ပြသနိုင်တယ်လို့ ဆိုကြပါတယ်။  ဒီ အလေ့အထကနေ နေ့စဉ်ဘဝမှာလည်း throw into the towel ကို သုံးရာမှာ တခုခုလုပ်ကိုင်နေတာကို ဆက်မလုပ်နိုင်တော့ဘူး။ လက်မြှောက်အရှုံးပေးလိုက်သည်။ ကျမတို့ မြန်မာဘန်းစကားမှာတော့ ဆလံပေးလိုက်ပြီဆိုရင် ဒီ အီဒီယံကို သုံးစွဲနိုင်ပါတယ်။
ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ကြရအောင်။

The politician threw in the towel before the election. He said he is short of campaign funds.

ရွေးကောက်ပွဲမတိုင်ခင်မှာပဲ အဲဒီ နိုင်ငံရေးသမားက လက်မြှောက်အရှုံးပေးသွားခဲ့ပြီ။ သူ့ရွေးကောက်ပွဲ မဲဆွယ်ရန်ပုံငွေ နည်းတယ်လို့ ပြောဆိုတယ်။

နောက်ဆုံးတင်ပြပေးမယ့် အီဒီယံအသုံးမှာ the last hurrah ဖြစ်ပါတယ်။ the Last = နောက်ဆုံး၊ Hurrah = လက်ခုပ်သြဘာ ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က နောက်ဆုံးလက်ခုပ်သြဘာ ဖြစ်ပါတယ်။ ဒီ အသုံးကတော့ အနုပညာမှာဖြစ်ဖြစ်၊ နိုင်ငံရေးမှာဖြစ်ဖြစ် ဘယ်ကဏ္ဍမှာဖြစ်ဖြစ် တောက်လျှောက် ပွဲထိန်းလာသူ၊ အောင်မြင်လာသူတဦးက အနားယူတော့မယ့် အချိန်ကို ရည်ညွှန်းပြောဆိုတာ ဖြစ်ပါတယ်။ ဥပမာ အမေရိကန် သမ္မတဆိုရင်လည်း သမ္မတသက်တမ်း နှစ်ကြိမ်၊ တနည်းအားဖြင့် ရှစ်နှစ် ဆိုတော့ သမ္မတတဦးအတွက် အဲဒီ သမ္မတသက်တမ်း နောက်ဆုံးနှစ်ဟာ သူ့အတွက် နောက်ဆုံးသြဘာနှစ် ဖြစ်ပါတယ်။ အလားတူပဲ CNN က ရုပ်သံလွှင့် နံမည်ကြီး တွေ့ဆုံမေးမြန်းခန်း အစီအစဉ်ဖြစ်တဲ့ Larry King Live အစီအစဉ်မှာလည်း Larry King ဟာ ၁၉၈၅ ခုနှစ်ကစလို့ ၂၀၁၀ ခုနှစ်အထိ သူအသက် ၇၆ နှစ်အထိ ၂၅ နှစ်တိုင်း ဒီ အစီအစဉ်မှာ ပင်တိုင်အစီအစဉ်မှူးအဖြစ် ဆောင်ရွက်ခဲ့ပါတယ်။ သူ့အတွက် နောက်ဆုံး အစီအစဉ်နဲ့ ပတ်သက်လို့ သူ ဘယ်လိုပြောသွားသလဲဆိုတာကို George Crows ပေးတဲ့ ဥပမာကို လေ့လာကြည့်ရအောင်။

Larry King’s last hurrah was aired December 16^th, 2010. He shared his last thoughts and thanked the audiences for supporting him over the years.

Larry King ရဲ့  နောက်ဆုံး နှုတ်ဆက်ပွဲ အစီအစဉ်ကို ၂၀၁၀ ဒီဇင်ဘာလ ၁၆ ရက်နေ့က ပြသသွားခဲ့တယ်။ သူက အဲဒီမှာ သူ့ရဲ့  နောက်ဆုံး အတွေးတွေကို မျှဝေသွားခဲ့သလို၊ နှစ်ပေါင်းများစွာ သူကို အားပေးခဲ့ကြတဲ့ ပရိသတ်တွေကိုလည်း ကျေးဇူးတင်စကားတွေ ပြောခဲ့တယ်။

Ref : VOA LearnEnglish

By Ni Ni Mar

Myanmar Network 

Read More

State of the Union အီဒီယံအသုံးအနှုန်းများ

ဒီတပတ် English Learning: America Idioms and Expressions ကဏ္ဍမှာ အမေရိကန်သမ္မတ ဘာရက် အိုဘားမား (Barack Obama) ဇန်နဝါရီလ ၂၆ ရက်နေ့က ပြောကြားခဲ့တဲ့ နိုင်ငံတော် အခြေပြမိန့်ခွန်း (State of the Union Address) မှာ ထည့်သွင်းအသုံးပြုခဲ့တဲ့ အီဒီယံများအနက် တချို့ ကို ကောက်နုတ် တင်ပြပေးပါမယ်။

 သမ္မတ က အင်္ဂါနေ့မိန့်ခွန်းထဲမှာ စီးပွားရေး ပြန်လည်ဦးမော့လာစေဖို့ ပြောကြားခဲ့တာကတော့ “We can restore an economy where everyone gets a fair shot, and everyone does their fair share, and everyone plays by the same set of rules.” ဖြစ်ပါတယ်။ ဒီ စကားပိုဒ်မှာ သမ္မတအနေနဲ့ အီဒီယံ (၃) ခု အသုံးပြုခဲ့တာကို တွေ့ရပါတယ်။ အီဒီယံတွေကတော့ a fair shot, fair share နဲ့ play by the rule တို့ ဖြစ်ကြပါတယ်။
ပထမဦးဆုံး တင်ပြပေးမယ့် အီဒီယံအသုံးအနှုန်းမှာ a fair shot ဖြစ်ပါတယ်။ A = တခု၊ တစုံတရာ။ Fair = မျှတသော နဲ့ Shot = (ဒီနေရာမှာ နာမ် - noun အဖြစ် အသုံးပြုထားတာဖြစ်ပြီး) ပစ်ခြင်း ကို ဆိုလိုခြင်း ဖြစ်ပါတယ်။ ဒါကြောင့် စကားစုတခုလုံးရဲ့  တိုက်ရိုက်အဓိပ္ပါယ်က မျှမျှတတရှိတဲ့ ပစ်ခွင့် ဖြစ်ပါတယ်။ အီဒီယံ အဓိပ္ပါယ်ကလည်း ရှင်းပါတယ်။ မျှတတဲ့ ပစ်ခွင့်လို့ ဆိုရာမှာ လူတဦးကို သူ့ရဲ့  ရပိုင်ခွင့်အရ လုပ်ခွင့်ပေးတာကို ဆိုလိုပါတယ်။ ကျမတို့ မြန်မာမှာတော့ လူတဦး သူ့အရည်အချင်းအရ သူ့တနိုင်တပိုင် ဘယ်လိုလုပ်နိုင်မလဲဆိုတာကို လွတ်လွတ်လပ်လပ် အနှောင့်အသွားမရှိဘဲ ပြုလုပ်ခွင့်ပေးတာကို ဆိုလိုပါတယ်။
ဒီ အသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ကြရအောင်။

John deserves a chance to proof himself. So, give him a fair shot.

John အနေနဲ့ သူ ဘယ်လောက် လုပ်နိုင်ကိုင်နိုင်စွမ်း ရှိတယ်ဆိုတာကို သက်သေပြဖို့ အခွင့်အရေး ရသင့်ပါတယ်။ ဒါကြောင့် သူ လုပ်ပြနိုင်ဖို့ အခွင့်အရေး ပေးလိုက်ပါ။

နိုင်ငံတော်အခြေပြမိန့်ခွန်းမှာ သမ္မတ ပြောကြားခဲ့တဲ့ အီဒီယံအသုံး နောက်တခုကတော့ a fair share ဖြစ်ပါတယ်။ A = တခု၊ တကြိမ်။ Fair = မျှတသော။ Share = ကိုယ့်ဝေစု ဆိုတော့ စကားစုတခုလုံးရဲ့  တိုက်ရိုက်အဓိပ္ပါယ်ကတော့ မျှတသော ဝေစု ဖြစ်ပါတယ်။ အီဒီယံဆိုတဲ့ အဓိပ္ပါယ်ကလည်း သိပ်မကွာလှပါဘူး။ ဒီ အသုံးဟာ ကိုယ့်ဝေစု ဆိုတော့ သူများတွေ ရသင့်သလို ကိုယ်ကလည်း ရသင့်ရထိုက်တဲ့ ဝေစုလို့ ဆိုလိုပါတယ်။ ဒါအပြင် ကိုယ့်ဖက်က ကိုယ့်တာဝန်အတိုင်း ကျရာတာဝန်ကို လုပ်ဆောင်ပေးရမှာကိုလည်း ရည်ညွှန်းတာ ဖြစ်ပါတယ်။
ဒီ အသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ကြရအောင်။

If people want democracy, everyone should do his or her fair share.

လူတွေအနေနဲ့ ဒီမိုကရေစီ လိုချင်တယ်ဆိုရင် လူတိုင်းက ကိုယ်ကျရာ တာဝန်ကို လုပ်သင့်ကြပါတယ်။

နိုင်ငံတော်အခြေပြမိန့်ခွန်းမှာ သမ္မတ ပြောကြားခဲ့တဲ့ အီဒီယံအသုံးတွေအနက် နောက်ဆုံးတင်ပြပေးမယ့် အီဒီယံအသုံးအနှုန်းမှာ play by the rules ဖြစ်ပါတယ်။ Play = သာမန်အားဖြင့် ကစားသည် ဖြစ်ပေမယ့် ဒီနေရာမှာ play ကြိယာကို by ဝိဘတ် (proposition) နဲ့ တွဲဖက်ပြီး play by က လိုက်နာသည် ကို ဆိုလိုပါတယ်။ The Rules = စည်းမျဉ်းစည်းကမ်းများ ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က စည်းမျဉ်းစည်းကမ်းတွေအရ လိုက်နာဆောင်ရွက်သည် ဖြစ်ပါတယ်။ အီဒီယံအဓိပ္ပါယ်ကလည်း အလားတူလို့ ဆိုနိုင်ပါတယ်။ အားကစားပြိုင်ပွဲမှာ စည်းမျဉ်းစည်းကမ်းတွေကို လိုက်နာရသလို၊ လူတွေအနေနဲ့လည်း နေ့စဉ်ဘဝမှာ လူတို့ သာမန်စောင့်ထိန်းရတဲ့ လူ့ကျင့်ဝတ်၊ လူ့စည်းကမ်း သတ်မှတ်ချက် ဥပဒေအရ လိုက်နာနေထိုင်တာကို ဆိုလိုတာဖြစ်ပါတယ်။
ဒီ အသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ကြရအောင်။

My father taught us to play by the rules. So, all of us are very thankful for his wise words.

ကျနော့်အဖေက ကျနော်တို့အားလုံးကို အမြဲ ကျင့်ဝတ်သိက္ခာနဲ့အညီ လိုက်နာနေထိုင်ဖို့ ဆုံးမခဲ့တယ်လေ။ ဒီလို သူ့ရဲ့  အမျှော်အမြင် ရှိလှတဲ့စကားတွေကြောင့် ကျနော်တို့အားလုံး အဖေကို သိပ်ကျေးဇူးတင်ကြတယ်။

Ref : VOA LearnEnglish

By Ni Ni Mar

Myanmar Network 

Read More

Shape စကားလုံးဆိုင်ရာ အီဒီယံအသုံးအနှုန်းများ

ဒီတပတ် ပုံသဏ္ဍာန်လို့ အဓိပ္ပါယ်ရတဲ့ shape ကို အခြေခံတဲ့ အီဒီယံအသုံးအနှုန်းများကို တင်ပြပေးသွားပါမယ်။

ပထမဦးဆုံး တင်ပြပေးမယ့် အီဒီယံအသုံးအနှုန်းမှာ in bad shape ဖြစ်ပါတယ်။ In = အထဲမှာ ရှိနေသည်၊ ဖြစ်နေသည်။ Bad = ဆိုးသော။ Shape = ပုံပန်းသဏ္ဍာန်၊ ပုံစံ တို့ ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်ကတော့ ဆိုးနေတဲ့ ပုံစံ သို့မဟုတ် ပုံပန်းသဏ္ဍာန် တို့ ဖြစ်ပါတယ်။ လူတဦးအနေနဲ့ ကျန်းမာရေးအခြေအနေ သိပ်မကောင်းလှဘူး၊ စိုးရိမ်ရတဲ့အခြေအနေမှာ ရှိနေတယ်။ လူပုံပန်းကြည့်ရတာ သိပ်မဟန်၊ ပုံပျက်ပန်းပျက် ဖြစ်နေရင် ဒီ အီဒီယံကို သုံးစွဲနိုင်ပါတယ်။

ဒီ အသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ကြရအောင်။

John is in a real bad shape. He is a hundred pound over weight. So, he needs to exercise and watch his diet.

John ကတော့ တကယ့်ကိုပဲ ပုံပျက်ပန်းပျက် ဖြစ်နေပြီ။ သူက ရှိသင့်ထားတာထက် အလေးချိန် ပေါင်တရာကျော် လေးနေတယ်။ သူ လေ့ကျင့်ခန်းယူပြီး နေ့စဉ်စားနေတဲ့ အစားအစာကိုလည်း ဆင်ဆင်ခြင်ခြင် ကြည့်ပြီးစားသင့်နေပြီ။
In bad shape ကို သက်ရှိနဲ့သာမက စီးပွားရေး၊ နိုင်ငံရေး စတဲ့ အခြေအနေတွေနဲ့လည်း တွဲပြီး သုံးစွဲနိုင်ပါတယ်။ စီးပွားရေး အခြေအနေ မဟန်ဘူးဆိုရင် စီးပွားရေးက in bad shape ပေါ့။ In bad shape က အခြေအနေမဟန်တာဆိုရင်၊ အခြေအနေကောင်းတယ်၊ ဟန်တယ်ဆိုရင် ဘယ်လို အီဒီယံကို သုံးစွဲပြောဆိုမလဲ။

In good shape ဆိုတဲ့ အီဒီယံနဲ့ ပြောဆိုနိုင်ပါတယ်။ In = အထဲမှာ ရှိနေသည်။ Good = ကောင်းသော။ Shape = ပုံပန်းသဏ္ဍာန် ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က ကောင်းသော ပုံပန်းသဏ္ဍာန် ဖြစ်ပါတယ်။ အီဒီယံ အဓိပ္ပါယ်ကလည်း ဆင်တူပါတယ်။ အခြေအနေဟန်တယ်၊ ကောင်းတယ်။ လူဆိုရင်လည်း ကြည့်ရမြင်ရတာ ကျန်းမာနေတယ်။ ကြည့်လို့ရှုလို့ကောင်းတယ်ဆိုရင် ဒီ အီဒီယံကို သုံးစွဲနိုင်ပါတယ်။ ကျမတို့ မြန်မာဘန်းစကားမှာတော့ အိုကေ (okay) စိုပြေ ပြနေတာပေါ့။

ဒီ အသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ကြရအောင်။

Joe is sixty years old, but he is in good shape as he exercises it regularly and watch it what he eats.

Joe တယောက် အသက် ခြောက်ဆယ် ရှိနေပြီ။ ဒါပေမဲ့လို့ သူက သန်သန်မာမာပါပဲ။ လေ့ကျင့်ခန်း မှန်မှန်လုပ်တယ်။ သူစားတဲ့ အစားအစာကိုလည်း ဂရုစိုက် ကြည့်စားတယ်။
နောက်ထပ် တင်ပြပေးမယ့် အီဒီယံအသုံးအနှုန်းမှာ out of shape ဖြစ်ပါတယ်။ Out = အပြင်ဖက်ကို of (proposition) နဲ့ တွဲသုံးထားတဲ့ out of က အပြင်ကိုရောက်နေတယ် ဖြစ်ပြီး၊ Shape = ပုံပန်းသဏ္ဍာန် ကဆိုတော့ စကားစုတခုလုံးရဲ့  တိုက်ရိုက်အဓိပ္ပါယ်ကတော့ ပုံပန်းသဏ္ဍာန် အပြင်ရောက်နေသည် ဖြစ်ပါတယ်။ အီဒီယံသွယ်ဝိုက် အဓိပ္ပါယ်ကလည်း ရှင်းပါတယ်။ လူဆိုရင် ရှိသင့်တဲ့ ပုံပန်းသဏ္ဍာန်အတိုင်း မရှိတာ၊ ပုံပျက်နေတာ၊ အဝလွန်တာ၊ ကျန်းမာရေးအရဆိုရင်လည်း ကိုယ့်အသက်အရွယ်နဲ့ ကျန်းမာရေး ကောင်းသင့်သလောက် မကောင်းတာ၊ အခြေအနေ မဟန်တာမျိုးကို ဆိုလိုပါတယ်။ စောစောက တင်ပြပေးခဲ့တဲ့ in bad shape အသုံးအနှုန်းနဲ့ ဆင်တူတယ်လို့ ဆိုနိုင်ပါတယ်။ ကျမတို့တတွေ အသက်တွေရလာပြီဆိုရင် ပြောလေ့ရှိတာကတော့ လှေကားထစ်တွေ မတက်နိုင်တော့ဘူး။ တက်ပြီးလို့ အပေါ်ရောက်ချိန်မှာ ဟောဟဲဟောဟဲနဲ့ မောနေတာပဲ။ အရင်ကလို မလုပ်နိုင်တော့ဘူးဆိုရင် I am out of shape လို့ ပြောဆိုနိုင်ပါတယ်။

ဒီ အသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ကြရအောင်။

Although John is still young, he seems out of shape. He cannot run very fast.

John က အသက်ငယ်သေးပေမယ့် သူက ပုံပျက်ပန်းပျက် ဖြစ်နေလေပြီ။ သူရှိသင့်တဲ့ ကျန်းမာရေးနဲ့ မညီတော့ဘူး။ သူ မြန်မြန် မပြေးနိုင်တော့ဘူး။
နောက်ဆုံးတင်ပြပေးမယ့် အီဒီယံအသုံးအနှုန်းမှာ back into shape ဖြစ်ပါတယ်။ Back = ပြန်ဖြစ်သည်။ Into = အထဲသို့ ဖြစ်ပြီး back ကို ဝိဘတ် (proposition) into နဲ့ တွဲသုံးတဲ့အခါ နေရာရင်းကို ပြန်ရောက်သည် နဲ့ Shape = ပုံပန်းသဏ္ဍာန် ဖြစ်ကြပြီး စကားစုတခုလုံးရဲ့  တိုက်ရိုက်အဓိပ္ပါယ်က မူရင်း ပုံပန်းသဏ္ဍာန်ကို ပြန်ရောက်တယ့်သဘော ဖြစ်ပါတယ်။ ဒီနေရာမှာလည်း အီဒီယံအဓိပ္ပါယ်က တိုက်ရိုက်အဓိပ္ပါယ်နဲ့ သိပ်မကွာလှပါဘူး။ ကျန်းမာရေး ပြန်ကောင်းလာတာ၊ အခြေအနေ ပြန်ဟန်ကျလာတာ။ လူပုံပန်းသဏ္ဍာန်ဆိုရင်လည်း ပြန်ပြီး ကြည့်လို့ကောင်းလာတာမျိုး၊ အချိုးကျတာမျိုးကို ဆိုလိုပါတယ်။

ဒီ အသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ကြရအောင်။

If you want to play on our football team, you have to first get yourself back into shape. You need to lose at least ten pounds.

ခင်များ ဘောလုံးအသင်းမှာ ဝင်ပြီး ကစားချင်တယ်ဆိုရင်တော့ ပထမဦးဆုံး ခင်များ ကျန်းမာရေးပြန်ကောင်းအောင်လုပ်ဖို့ လိုတယ်။ ကိုယ်အလေးချိန် ပေါင် အနည်းဆုံး ဆယ်ပေါင်း ချဖို့ လိုတယ်။

Ref : VOA LearnEnglish

By Ni Ni Mar

Myanmar Network 

Read More

House စကားလုံး အီဒီယံ အသုံးအနှုန်းများ

ဒီတပတ် တင်ပြပေးမယ့် အီဒီယံအသုံးအနှုန်း စကားလုံးများမှာ put your house in order နဲ့ to clean house တို့ ဖြစ်ကြပါတယ်။

ပထမဦးဆုံး တင်ပြပေးမယ့် အီဒီယံ အသုံးအနူန်းကတော့ put your house in order ဖြစ်ပါတယ်။ put ပြုလုပ်သည်၊ your သင်၏၊ in order စနစ်တကျရှိစေသည် တို့ ဖြစ်ပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်ကတော့ သင်ရဲ့  အိမ်ကို စနစ်တကျ သန့်သန့်ပြန့်ပြန့်ထားပါ ဖြစ်ပါတယ်။ ဒီ အသုံးအနှုန်းကို အခြေအနေ နှစ်ရပ်နဲ့ ပတ်သက်ပြီး သုံးနိုင်ပါတယ်။ ပထမအသုံးကတော့ ကိုယ့်ရဲ့  ကိုယ်ရေးကိုယ်တာကိစ္စကို ဖြေရှင်းထားတယ်လို့ အဓိပ္ပာယ် ရပါတယ်။

George Crows ပေးတဲ့ ဥပမာမှာ ဦးလေးတော်စပ်သူက သူမသေခင် သူ့အမွေကို မိသားစုအတွက် အဆင်ပြေအောင် စိတ်အေးရအောင် ကြိုတင်စီစဉ်ပေးထားတဲ့ အကြောင်းဖြစ်ပါတယ်။

Before he died, Uncle Bob put his house in order. He paid all his debts and left his insurance policy, his will and other important papers in a big envelope on his wife's desk.

သူမဆုံးခင် ဦးလေး Bob က သူကိစ္စတွေကို နှောင်ရေးအေးရလေအောင် စနစ်တကျ စီစဉ်ထားခဲ့ပါတယ်။ သူ့အကြွေးတွေအားလုံးကို ပေးဆပ်ခဲ့တယ်၊ အသက်အာမခံ ပေါ်လစီတွေလည်း ထားခဲ့တယ်။ အမွေစာချုပ်လည်း ထားခဲ့ပါတယ်။ တခြားအရေးကြီးတဲ့ စာရွက်စာတမ်းတွေကိုလည်း အိတ်ကြီးတအိတ်ထဲမှာ ထည့်ထားခဲ့ပြီး သူ့ဇနီးရဲ့  စာကြည့်စာပွဲပေါ်မှာ တင်ထားခဲ့တယ်။

Put your house in order အသုံးရဲ့  ဒုတိယ အဓိပ္ပါယ်တမျိုးကတော့ စီးပွားရေးလုပ်ငန်း (သို့) အဖွဲ့အစည်းတခုအတွင်း (သို့) နိုင်ငံအတွင်းမှာ ကမောက်ကမ ဖြစ်နေတာကို စနစ်တကျ ပြန်ဖြစ်အောင် ပြုလုပ်ရာမှာလည်း အသုံးပြုနိုင်ပါတယ်။


အခု George Crows ပေးထားတယ့် ဥပမာက New York မြို့ မှာ ရှိနေတဲ့ ကုမ္မဏီကြီးတခုရဲ့  ဌာနချုပ်က အလုပ်ပိုင်ရှင်ကြီး လာမှာမို့ Chicago မြို့  ရုံးခွဲက မန်နေဂျာ အလုပ်ရှုပ်နေတဲ့ ဥပမာဖြစ်ပါတယ်။

"We have to put the house in order in two days. I want desks clean, the whole place looking good, and we need account balance up to date by five o'clock tomorrow afternoon."

"ကျနော်တို့ရဲ့  ရုံးမှာ နှစ်ရက်အတွင်း အားလုံးစနစ်တကျဖြစ်အောင် လုပ်ကြရမယ်။ စာပွဲတွေကို ရှင်းထား၊ နေရာတခုလုံး ကြည့်ကောင်းအောင် လုပ်ထားကြ၊ ဒါအပြင် ကျနော်တို့ရဲ့  ငွေစာရင်းတွေကိုလည်း ချိန်ကိုက်ပြီး နောက်ဆုံးအချိန်အထိ ပြတဲ့စာရင်းကို မနက်ဖြန် ညနေ ငါးနာရီ မှာ အားလုံးအဆင်သင့် ပြင်ထားရမယ်။"

House in order အသုံးအနူန်းကို နိုင်ငံရေးမှာလည်း သုံးစွဲနိုင်ပါတယ်။ ကိုယ်နိုင်ငံအတွင်း ကမောက်ကမ မဖြစ်ရလေအောင် အခြေအနေတွေ စနစ်တကျ ဖြစ်အောင် ဆောင်ရွက်ရမှာလည်း ဒီအသုံးကို ရည်ညွှန်းသုံးလို့ ရပါတယ်။

ဒုတိယ တင်ပြမယ့် အီဒီယံအသုံးအနူန်း to clean house ဖြစ်ပါတယ်။ To clean ရှင်းလင်းသည်၊ house အိမ်တို့ ဖြစ်ပါတယ်။ စကားစုတခုလုံးရဲ့  လုံးကောက်အဓိပ္ပါယ်ကတော့ အိမ်ကိုရှင်းလင်းခြင်း ဖြစ်ပါတယ်။ တံမြက်လှည်းကျင်း၊ ဖုန်းသုတ်၊ ကြမ်းတိုက်လုပ်ကိုင်ခြင်း လို့လည်း သုံးစွဲပြောဆိုနိုင်ပါတယ်။ အီဒီယံအသုံးအနူန်း သွယ်ဝိုက်အဓိပ္ပါယ် ဖွင့်ဆိုချက်ကတော့ အပြောင်းအလဲကို ဖော်ဆောင်ရာမှာ အောက်ခြေသိမ်းကအစ ရှင်းလင်းဖယ်ရှားခြင်းကို ဆိုလိုပါတယ်။

အထူးသဖြင့် အာဂတိလိုက်စားမှု၊ လာဘ်ပေးလာဘ်ယူမှု၊ မသမာမှု၊ မျက်နှာသာပေးမှု စသဖြင့်တို့ ရှိနေတဲ့ အစိုးရရဲ့  စနစ်တရပ်မှာ အားလုံး ဒီ မသမာမှုတွေ ကင်းရှင်းအောင် ပြောင်းလြဲပစ်တာ၊ အလုပ်ဖြုတ်ပြစ်တာ၊ ပင်စင်ပေးပြစ်ပြီး လူတော်လူကောင်း၊ အလုပ်လုပ်တဲ့လူ၊ အလုပ်ကိုနားလည်းတဲ့ လူတွေနဲ့ အစားထိုး လို့ရှိရင် လုပ်ငန်းဟာ ပိုမိုထိရောက် တွင်ကျယ်မှာမို့ 'အောက်ခြေသိမ်း ပြောင်းလဲပြုလုပ်တာ' ကို To Clean House လို့ ရည်ညွှန်းသုံးစွဲ နိုင်ပါတယ်။

ပထမ ဥပမာ ကတော့ နိုင်ငံရေး မဲဆွယ်လှုပ်ရှားမှုအကြောင်း ဖြစ်ပါတယ်။ အထူးသဖြင့် ဝါရှင်တန်မြို့ တော်မှာ အခြေစိုက်တဲ့ ဗျူရိုကရက်တွေ ကို ရွေးကောက်ခံ ကိုယ်စားလှယ်တွေက တိုက်ခိုက်ဝေဖန် ပြောဆိုတာဟာ နိုင်ငံရေး ပရိယာယ်တခု ဖြစ်နေပါတယ်။
အခု George Crows ပေးတဲ့ ဥပမာမှာ နိုင်ငံရေးသမား ကိုယ်စားလှယ်က သူ့မိန့်ခွန်းမှာ ဒီ အကြောင်း (ခြစားမှု) ကို ပြောထားတာဖြစ်ပါတယ်။

"Folks, send me to the Congress, and I promise the first thing I will do is clean house. I will get rid off all those bureaucrats who sit around all day doing nothing, but wait for quitting time."

"မိတ်ဆွေတို့ရေ ကျနော်ကို လွှတ်တော်ကိုယ်စားလှယ်အဖြစ် ရွေးကြပါ။ ကျနော်ကို ရွေးခဲ့လို့ရှိရင် ပထမဦးဆုံး ဂတိပေးနိုင်တာကတော့ မသမာမှု၊ ခြစားမှုတွေကို ရှင်းပေးမယ်။ တနေ့လုံး အလုပ်မှာ ထိုင်ပြီး ဘာမှ အလုပ်မလုပ်ဘဲ အလုပ်ဆင်းချိန်ကိုဘဲ စောင့်နေတဲ့ ဗျူရိုကရက်အာလုံးကို ကျနော်ရှင်းပြစ်ပေးမယ်။"

ဒုတိယ ဥပမာကတော့ မြို့ ကြီးတမြို့ ရဲ့  မြို့ တော်ဝန်က သူ့လက်အောက်က အမှုထမ်းတွေ ပြည်သူဘဏ္ဍာတွေ နဲ့ ပစ္စည်းတွေကို ခိုးတဲ့အကြောင်း ကြားသိရလို့ စိတ်ဆိုးဆိုးနဲ့ ပြောတဲ့အကြောင်း ဖြစ်ပါတယ်။

"I want our citizens to know I've never tolerated corruption. I am going to clean house and fire every body who was involved, and will do our best to send the worst offenders off to jail."

"ကျနော်တို့ မြို့ နေလူထုကို ပြောပါရစေ။ အာဂတိလိုက်စားမှုကို ကျနော်လုံးဝ သည်းခံမှာ မဟုတ်ဘူး။ ကျနော် ဒါတွေ အားလုံးကို ရှင်းပြစ်မယ်။ ခြစားခြင်း ပါဝင်ပတ်သက်နေသူတိုင်းကိုလည်း အလုပ်ဖြုတ်ပစ်မယ်။ အဆိုးဆုံး ကျူးလွန်းသူတွေကိုလည်း ထောင်ချနိုင်အောင် ကျနော်တို့ အတက်နိုင်ဆုံး လုပ်ပေးမယ်။"

Ref : VOA LearnEnglish

By Ni Ni Mar

Myanmar Network 

Read More

Time စကားလုံးဆိုင်ရာ အီဒီယံအသုံးအနှုန်းများ

ဒီတပတ် English Learning: America Idioms and Expressions ကဏ္ဍမှာ တင်ပြပေးထားတဲ့ အီဒီယံအသုံးအနှုန်းများမှာ big time, in the nick of time နဲ့ the time of your life တို့ ဖြစ်ပါတယ်။

အခုလို အချိန်ကာလမှာ လူအများစုဟာ New Year Resolution(s) ခေါ်တဲ့ နှစ်သစ်မှာ စိတ်သစ်လူသစ်နဲ့ ဖြစ်ရမယ်ဆိုတဲ့ ဆုံးဖြတ်ချက်တွေ ချလေ့ရှိသလို ဒီဇင်ဘာလ ၃၁ ရက်နေ့ ညသန်းခေါင်ကျော်ထိစောင့်ပြီး နှစ်သစ်ကိုကြိုဆိုတဲ့ ပျော်ပွဲရွှင်ပွဲပါတီပွဲတွေကို ဆင်နွှဲကြလေ့ ရှိပါတယ်။ ဒါကြောင့်မို့ နှစ်သစ်ကို ကြိုဆိုတဲ့ ပါတီပွဲတွေနဲ့လိုက်ဖက်တဲ့ အီဒီယံအသုံးအနှုန်းများကို တင်ပြထားပါတယ်။

ပထမဦးဆုံး တင်ပြပေးမယ့် အီဒီယံအသုံးအနှုန်းမှာ Big Time ဖြစ်ပါတယ်။ Big = ကြီးမားသော၊ Time = အချိန် တို့ဖြစ်ကြပါတယ်။ စကားစုတခုလုံးရဲ့  လုံးကောက် အဓိပ္ပါယ်ကတော့ ကြီးမားသောအချိန် ဖြစ်ပါတယ်။  အီဒီယံအဓိပ္ပါယ်အရတော့ အဓိပ္ပါယ် နှစ်မျိုး ရှိပါတယ်။ အပျော်ကြီးပျော်တဲ့အချိန် ဖြစ်သလို ဒိတ်ဒိတ်ကြဲပုဂ္ဂိုလ်ကြီးတွေ တို့အဖြစ် သုံးစွဲပြောဆိုနိုင်ပါတယ်။


George Crows ပေးတဲ့ ဥပမာကို လေ့လာကြည့်ရအောင်ပါ။

I really had a big time at the New Year party I went to last year. The food was great, and I got to meet some  big time people like Senators, and other important people like that.

ပြီးခဲ့တဲ့ တနှစ်က နှစ်သစ်ကူးပါတီ သွားတုန်းက အပျော်ကြီးပျော်လိုက်တာဗျာ။ အစားအသောက်ကလည်း ကောင်းပေ။ ဒါအပြင် အထက်လွှတ်တော်အမတ်တွေ နဲ့ တခြားအရေးကြီးတဲ့ ပုဂ္ဂိုလ်တွေကိုလည်း တွေ့ဆုံခွင့်ရခဲ့တယ်။

ဒုတိယတင်ပြပေးမယ့် အီဒီယံအသုံးအနှုန်းမှာ In the Nick of Time ဖြစ်ပါတယ်။ အချိန်မှီ လက်မတင်လေး လို့ အီဒီယံအဓိပ္ပါယ်ရှိပါတယ်။

ပါတီပွဲ လွတ်မလို့ လက်မတင်လေး မှီလိုက်တဲ့ George Crows တင်ပြပေးထားတဲ့ ဥပမာကို လေ့လာကြည့်ရအောင်ပါ။

We had a flat tire on our way to Henry's party, but we still got there in the nick of time five minute to twelve. Just in time to raise the glass and say hello to the New Year.

Henry ရဲ့  ပါတီပွဲအသွားလမ်းမှာ ကားဘီးပေါက်သွားခဲ့တယ်။ ဒါပေမယ့် ကျနော်တို့ ၁၂ နာရီထိုးဖို့  ၅ မီနစ်အလို နှစ်သစ်ကို အရက်ခွက်မြောက်ပြီး ကြိုဆိုဖို့ အချိန်မီ လက်မတင်ကလေး ရောက်သွားခဲ့တယ်ဗျာ။

နောက်ဆုံးတင်ပြပေးမယ့် အီဒီယံအသုံးအနှုန်းမှာ The Time of Your Life ဖြစ်ပါတယ်။ ဒီနေရာမှာ ရွေးထုတ်ပြီး စာလုံးပေါင်းကို တင်ပြလိုပါတယ်။ Time နဲ့ Life တို့ ဖြစ်ကြပါတယ်။ The time of life က ဘဝမှာ ကြုံတောင့်ကြုံခဲ အပျော်ကြီးပျော်ရတဲ့အချိန် လို့ အဓိပ္ပါယ်ဖွင့်ဆိုနိုင်ပါတယ်။


George Crows ပေးတဲ့ ဥပမာကို လေ့လာကြည့်ရအောင်ပါ။

It was a New Year Eve in 1941. But, I still remember it like it's yesterday. I went to that party and had a time of my life because I met the beautiful girl I have been married to for fifty years.

၁၉၄၁ ခုနှစ် နှစ်သစ်ကူးမတိုင်ခင် တရက်အလိုပေါ့။ မနေ့တနေ့ကဖြစ်တဲ့ အဖြစ်အတိုင်းလိုပါပဲ။ မှတ်မီပါသေးတယ် ကျနော်ပါတီတခုကို သွားတယ်။ တသက်တာမှာ အပျော်ဆုံး အချိန်ကို ဆင်နွှဲခဲ့တယ်။ အကြောင်းကတော့ အဲဒီပါတီမှာ အလွန်လှပတဲ့ မိန်းမချောလေးတယောက်ကို တွေ့ဆုံခဲ့ပြီး သူမနဲ့ ကျနော် လက်ထပ်နေထိုင်ခဲ့တာ နှစ်ပေါင်း ငါးဆယ်တောင် ကြာရှိခဲ့ပြီ။

Ref : VOA LearnEnglish

By Ni Ni Mar

Myanmar Network 

Read More

နှစ်သစ်အကြို အီဒီယံအသုံးအနှုန်းများ

ဒီတပတ် English Learning: America Idioms and Expressions ကဏ္ဍမှာ တင်ပြပေးထားတဲ့ အီဒီယံအသုံးအနှုန်းများမှာ take stock of, second wind နဲ့ have a ball တို့ ဖြစ်ပါတယ်။
ကုန်လွန်ခဲ့တဲ့ နှစ်ရဲ့  အဆိုးအကောင်းကို ပြန်ပြောင်းသုံးသပ်ပြီး ဒီလာမယ့်နှစ်သစ်မှာ ဘာတွေလုပ်ကြမလဲဆိုတာကို ပြင်ဆင်မှန်းထားကြသူများ ရှိကြမှာပါ။ ဒီလို အခြေအနေမျိုးမှာ အသုံးပြုပြောဆိုနိုင်တဲ့ အီဒီယံအသုံးအနှုန်းက take stock of ဖြစ်ပါတယ်။

Take = ယူဆောင်သည်၊ Stock = သိမ်းဆည်းထား၊ လှောင်ထားသည် ဖြစ်ပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်ကတော့ သိမ်းဆည်းထားတဲ့ လက်ကျန်ကုန်ပစ္စည်းတွေ ဘယ်၍ဘယ်မျှ ကျန်ရှိနေလည်းဆိုတာကို သိရအောင် စာရင်းကောက်ယူလုပ်ဆောင်ခြင်းလို့ ဖြစ်ပါတယ်။ အီဒီယံအသုံးမှာတော့ ဖြစ်ခဲ့တဲ့အခြေအနေကို အရှိအရှိအတိုင်း သုံးသပ်ကြည့်ခြင်း ဆိုတဲ့ အဓိပ္ပါယ်ရှိပါတယ်။ နှစ်သစ်ရောက်လာတဲ့အခါ လူအများလုပ်နေကြ ထုံးစအတိုင်းဖြစ်ပါတယ်။

အခု မိဘတဦးအနေနဲ့ သူတို့မိသားစု ပြီးခဲ့တဲ့အခြေအနေကို ဘယ်လိုပြန်လည် သုံးသပ်ကြည့်တယ်ဆိုတဲ့အကြောင်း George Crows ပေးတဲ့ ဥပမာကို လေ့လာကြည့်ရအောင်ပါ။

Taking stock I can say it was a good year. Both of us got promotions in our jobs. We bought a new house at a low interest rate. And, our son, Joe, got into a good college.

ဖြတ်သန်းလာခဲ့တာတွေကို ပြန်သုံးသပ်မယ်ဆိုရင် နှစ်ကောင်းတနှစ်လို့ ပြောနိုင်ပါတယ်။ ကျနော်တို့ နှစ်ဦးစလုံး ကိုယ်အလုပ်တွေမှာ ရာထူးအသီးသီး တက်ခဲ့တယ်။ အတိုးနှုန်းနည်းနည်းနဲ့ အိမ်သစ်တလုံးကို ဝယ်နိုင်ခဲ့တယ်။ ပြီးတော့ ကျနော်တို့သား Joe တယောက်လည်း ကောလိပ်ကျောင်းကောင်းကောင်းတခုကို ဝင်ခွင့်ရခဲ့တယ်။

ဒုတိယတင်ပြပေးမယ့် အီဒီယံအသုံးအနှုန်းကတော့ Second Wind ဖြစ်ပါတယ်။ Second = ဒုတိယ၊ Wind = လေ တို့ဖြစ်ပါတယ်။ လုံးကောက်အဓိပ္ပါယ်ကတော့ ဒုတိယ တိုက်ခိုက်တဲ့လေ ဖြစ်ပါတယ်။ ခရစ်စမတ်အတွက် အလုအယက် ဈေးဝယ်ထွက်ခဲ့ကြရက ခြေကုန်လက်ပန်းကျနေကြသူတွေဟာ ခရစ်စမတ်အလွန်မှာ ဈေးချရောင်းတာတွေကို ကုန်တိုက်တွေမှာ သွားဝယ်ခဲ့ကြလို့ ဖြစ်ပါတယ်။ ဒီလိုတကြော့ ပြန်ဝယ်ကြတာဟာ အပြေးပြိုင်ပွဲတခုလိုပါဘဲ။ အားသွန်းပြေးရာမှာ မောပြီးအသက်ရှု မဝဖြစ်လာတဲ့အခါ တခါဏနား အမောလည်းပြေသလောက်ဖြစ်ရော ပြန်ဆက်ပြေးတဲ့သဘော ဖြစ်ပါတယ်။ တနည်းအားဖြင့် နောက်တခါ ပြန်စနိုင်ဖို့ အားမွေးနိုင်ဖို့ သဘောဖြစ်ပါတယ်။


George Crows တင်ပြပေးထားတဲ့ ဥပမာကို လေ့လာကြည့်ရအောင်ပါ။

It is a good thing there is a whole week between Christmas and New Year. That gives me a chance to catch my second wind after Christmas parties, and be ready to celebrate all over again.

ခရစ်စမတ် နဲ့ နှစ်သစ်ကူးကြားမှာ သတင်းတပတ်လုံးအချိန်ရှိနေတာ ဟန်ကျလိုက်တာဗျာ။ ခရစ်စမတ်ပါတီတွေအပြီးမှာ အနားရပြီး နောက်ပွဲအတွက် ပြန်ဆင်နွှဲနိုင်ဖို့ အားမွေးနိုင်တဲ့ အခွင့်အလမ်းရခဲ့တာပေါ့။

ခရစ်စမတ်ပါတီ၊ နှစ်သစ်ကူးပါတီတွေကို သွားပြီး အပျော်ကြီး ပျော်ခဲ့တာကို Have a Ball လို့ ပြောနိုင်ပါတယ်။ Have = ရှိသည်၊ ဒီနေရာမှာ Ball စကားလုံးက ပြင်သစ်စကားဖြစ်တဲ့ Baller ဆိုတဲ့ စကားလုံးက ဆင်းသက်လာတာဖြစ်ပြီး စုံတွဲကကြတာလို့ အဓိပ္ပါယ်ရှိပါတယ်။ ပျော်လွန်လို့ ထကကြတယ်လို့ မြန်မာမှာ ပြောကြသလို အလားတူပါဘဲ have a ball ဆိုတဲ့အသုံးက စိတ်လွတ်ကိုယ်လွတ် ပျော်ရွှင်ကြတာကို ဆိုလိုပါတယ်။

ဒီအသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

We all had a ball at our neighbor’s New Year party. Everybody was in a festive mode and we ate, drank, and danced all night. Even the sudden snow storm didn’t spoil our good time.

ကျနော်တို့ အိမ်နီးချင်းမိတ်ဆွေတွေနဲ့ နှစ်သစ်ကူးပါတီမှာ ကျနော်တို့အားလုံး အပျော်ကြီးပျော်ခဲ့ကြတယ်။ လူတိုင်းက စိတ်လွတ်ကိုယ်လွတ်နဲ့ စားကြ၊ သောက်ကြ၊ ကခုန်ကြတာ တညလုံးပါပဲ။ မမျှော်လင့်ပဲ ကျလာတဲ့ နှင်းမုန်တိုင်းတောင်မှ ကျနော်တို့ရဲ့  ပျော်ရွှင်မှုကို ဘယ်လိုမှ မဖျက်နိုင်ခဲ့ပါဘူး။

Ref : VoA LearnEnglish

By Ni Ni Mar

Myanmar Network 

Read More

Window စကားလုံးဆိုင်ရာ အီဒီယံအသုံးအနှုန်းများ

ဒီတပတ် English Learning: America Idioms and Expressions ကဏ္ဍမှာ တင်ပြပေးထားတဲ့ အီဒီယံအသုံးအနှုန်းများမှာ window dressing, window shopping နဲ့ out off the window တို့ ဖြစ်ပါတယ်။

ပထမဦးဆုံး တင်ပြပေးမယ့် အီဒီယံအသုံးအနှုန်းမှာ window dressing ဖြစ်ပါတယ်။ Window = ပြတင်းပေါက်။ Dressing = အလှဆင်သည် ဖြစ်ပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်ကတော့ ပြတင်းပေါက်ကို အလှဆင်ခြင်း ဖြစ်ပါတယ်။ ဒီအသုံးကို အများအားဖြင့် ဆိုင်ခန်းရှေ့  မှန်ခန်းထဲမှာ ရောင်းကုန်တွေကို ဝယ်သူတွေ ဝယ်ချင်လာအောင် ဆွဲဆောင်နိုင်ဖို့ အလှဆင် ပြသထားတာကို ဆိုလိုခြင်း ဖြစ်ပါတယ်။ အီဒီယံ သွယ်ဝိုက်အဓိပ္ပါယ်ကတော့ တခုခုကို တကယ်ရှိတာ၊ ရှိနေတာထက် ပိုမြင်ကောင်း၊ ပိုကြားကောင်းအောင် လုပ်ဆောင် ရည်ညွှန်းပြောဆိုတာကို ဆိုလိုပါတယ်။ တကယ်တော့ အနှစ်သာရသိပ်မရှိဘဲ အပေါ်ယံကြောသက်သက် နှမ်းဖြူးတာမျိုးလို ဖြစ်ပါတယ်။ ကျမတို့ မြန်မာမှာတော့ ဟင်းကို စားချင်စဖွယ်ဖြစ်အောင် ကြက်သွန်ကျော်၊ နံနံပင် အုပ်ပြီးထားမျိုးလို ဖြစ်ပါတယ်။ အဲဒါကို အစားအစာကို dressing လုပ်တယ်လို့ ပြောလိုရပါတယ်။ ဒါကြောင့် window dressing အသုံးက တခုခုကို ကြည့်ကောင်းအောင်၊ မြင်ကောင်းအောင်၊ ကြားကောင်းအောင် လုပ်တာမျိုးကို ဆိုနိုင်ပါတယ်။


ဒီအသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

Some critics say political changes in that country are just window dressing.

တချို့  ဝေဖန်သုံးသပ်သူတွေ ပြောဆိုကြတာကတော့ အဲဒီနိုင်ငံရဲ့  နိုင်ငံရေးပြောင်းလဲမှုတွေက လူကြားကောင်းအောင် လုပ်ပြနေတာ ဖြစ်တယ်။

ဒုတိယတင်ပြပေးမယ့် အီဒီယံအသုံးကတော့ window shopping ဖြစ်ပါတယ်။ Window = ပြတင်းပေါက်, Shopping = ဈေးဝယ်ထွက်သည် ဖြစ်ပါတယ်။ ဒါကြောင့် စကားစုတခုလုံးရဲ့  တိုက်ရိုက်အဓိပ္ပါယ်ကတော့ ပြတင်းပေါက် ဈေးဝယ်ထွက်ခြင်း ဖြစ်ပါတယ်။ အီဒီယံသွယ်ဝိုက်အဓိပ္ပါယ်ကလည်း ရှင်းပါတယ်။ ဆိုင်တွေရဲ့  ရှေ့ မှန်ခန်းတွေမှာ ရောင်းကုန်တွေကို လိုက်ကြည့်ရုံသာလိုက်ကြည့်ပြီး တကယ် မဝယ်တာကို ဆိုလိုတာပါ။ ကျမတို့ အမျိုးသမီးတွေအနေနဲ့ ဒီလိုမျိုး ဈေးထဲမှာ လျှောက်ရတာ၊ လှတာတွေကို သဘောကျတာ။ တကယ် ဝယ်ဖို့ဆိုတာကတော့ မသေချာတာ။ ဒါပေမဲ့ အချိန်လည်းရှိ၊ အပျင်းလည်းပြေ။ အထူးသဖြင့် သူငယ်ချင်းတွေနဲ့ ဈေးဝယ်ထွက်ကြတာမျိုး ဖြစ်ပါတယ်။ အဲဒါကို အီဒီယံအသုံးနဲ့ window shopping လို့ ပြောဆိုနိုင်ပါတယ်။ ပစ္စည်းတွေကို သွားရည်ကျရုံကျပြီး တကယ်တော့ မဝယ်နိုင်တာမျိုး၊ ဝယ်ဖို့ မရည်ရွယ်တာကို ဆိုလိုပါတယ်။


ဒီအသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

The girls in our office went window shopping during lunch hour. They said they want to buy some presents when they get their pay checks.

ကျနော်တို့ရုံးက ကောင်မလေးတွေ နေ့လည်ထမင်းစားချိန်မှာ ဈေးထဲလျှောက်ကြည့်ကြတယ်။ သူတို့ လစာရရင် လက်ဆောင်တချို့  ဝယ်ဖို့ရှိတယ်လို့ ပြောဆိုကြတယ်။

နောက်ဆုံးတင်ပြပေးမယ့် အီဒီယံအသုံးမှာ out off the window ဖြစ်ပါတယ်။ ဒီနေရာမှာ Out = အပြင်ဖက် စကားလုံးကို Off ဝိဘတ်နဲ့ တွဲသုံးထားတော့ out off က အပြင်ဖက်သို့ ဖြစ်ပြီး Window = ပြတင်းပေါက် ဆိုတော့ စကားစုတခုလုံးရဲ့  တိုက်ရိုက်အဓိပ္ပါယ်ကတော့ ပြတင်းပေါက် အပြင်ဖက်သို့ ဖြစ်ပါတယ်။ ပြတင်းပေါက်အပြင်ဖက် ရောက်သွားတယ်။ လွှင့်ပစ်လိုက်တယ်ဆိုရင် ဘယ်လိုဖြစ်သွားနိုင်သလဲဆိုတာကို အင်္ဂလိပ်လေ့လာသူများ စဉ်းစားကြည့်နိုင်ပါတယ်။ အီဒီယံသွယ်ဝိုက်အဓိပ္ပါယ်ကလည်း အဲဒီအတိုင်းပါပဲ - တခုခု အလဟဿ ဖြစ်သွားတာ၊ လွင့်ပစ်ရတဲ့သဘောမျိုး အခြေအနေရောက်တာ။ ကျမတို့ မြန်မာမှာတော့ ပြန်မရနိုင်တာ။ ရေစုန်မျောသွားတာကို ဆိုလိုပါတယ်။

ဒီအသုံးအနှုန်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

All the workd I did last night has gone out off the window. My computer crashed.

ကျနော် ညက ထိုင်လုပ်နေတဲ့ အလုပ်တွေအားလုံး ရေစုန်မျောသွားပြီလေ။ ကျနော့် ကွန်ပြူတာ ပျက်သွားခဲ့တယ်။

Ref : VOA LearnEnglish

By Ni Ni Mar

Myanmar Network 

Read More